Priest's Message

           ಮೊಗಾಚ್ಯಾನೊ, ತುಮ್ಕಾಂ ಸರ್ವಾಂಕ್ ಮ್ಹಜೊ ಪ್ರಣಾಮ್. ಭಾಗೆವಂತ್ ಕಾರ್ಲೊ ಅಕುತಿಸ್ ಅಯ್ಚ್ಯಾ ಡಿಜಿಟಲ್ ವಾತಾವರಣಾಂತ್ ಸಾಮಾಜಿಕ್ ಅಂತರ್‍ಜಾಲಾಂತ್ ಸರ್ವಾಂಕ್ ಏಕ್ ಮೇಲ್‍ಫಂಕ್ತ್ ಆನಿ ಆದರ್ಶ್. ಹಾಕಾ ಇಂಟರ್ನೆಟಾಚೊ ಪಾತ್ರೊನ್ ಮ್ಹಣಿಯಿ ಮ್ಹಣ್ಯೆತ್. ಕಂಪ್ಯೂಟರ್ ಪ್ರೋಗ್ರಾಂ ಕರ್ತೆಲ್ಯಾಂಚೊ ಶಾರತಿ ಜಾವ್ನಾಸಾ. ವೆಬ್‍ಸೈಟ್ ಉಗ್ತೆಂ ಕರ್ನ್ ಹಾಚೆ ಮುಖಾಂತ್ರ್ ತಾಚಿಂ ಭೊಗ್ಣಾಂ, ಅಜಾಪ್ ಜಾಯ್ತಿ ಹೆರ್ ಸಂಗ್ತಿಂ ಹೆರಾಂ ಸವೆಂ ವಾಂಟುನ್ ಘೆವ್ಚ್ಯಾಂತ್ ಹೆ ಏಕ್ ವೆಬ್‍ಸೈಟ್ ಆಧಾರ್ ಜಾಲೆಂ. ತಶೆಂಚ್ ಆಮ್ಚ್ಯಾ ಫಿರ್ಗಜೆಂತ್ ಜಾಲ್ಲಿ ತಶೆಂಚ್ ಜಾಂವ್ಚಿಂ ಘಡಿತಾಂ, ಚಟುವಟಿಕೊ ಉಗ್ಡಾಸಾಕ್ ಉರ್ಚೆಪರಿಂ ಆಮ್ಕಾಂಯಿ ವೆಬ್‍ಸೈಟಾಚಿ ಗರ್ಜ್ ಆಸಾ.

ಆಮ್ಚ್ಯಾ  ಕ್ರೀಸ್ತ್ ರಾಯಾಕ್ ಸಮರ್ಪಿಲ್ಲ್ಯಾ ಫಿರ್ಗಜೆಂತ್ 91 ಕುಟ್ಮಾಂ ವಸ್ತಿ ಕರ್ನ್ ಆಸಾತ್. ಮನೆಲಾ ಫಿರ್ಗಜೆಚಿಂ ಚರಿತ್ರಾ ಆಮ್ಚ್ಯಾ ಮಾಲ್ಗಡ್ಯಾಂನಿಂ ಕೆಲ್ಲೊ ತೊ ವಾವ್ರ್, ಕಾಡ್ಲಿ ತಿ ಮ್ಹಿನತ್ ಮುಖ್ಲ್ಯಾ ಆಮ್ಚ್ಯಾ ಪಿಳ್ಗೆಕ್ ಖಳಿತ್ ಆಸಾಜಯ್ ಆನಿ ಚರಿತ್ರಾ ಉರಾಜೆ ತರ್ ಹಾಚೊ ದಾಖ್ಲೊ ಗರ್ಜ್ ಜಾವ್ನಾಸಾ.

ಆಮ್ಕಾಂ ದಿಯೆಸೆಜ್ ಹಂತಾರ್, ವಾರಾಡ್ಯಾ ಹಂತಾರ್, ಆಮ್ಚ್ಯಾ ಲೊಕಾಕ್, ಸಯ್ರಾದಯ್ರ್ಯಾಂಕ್, ಈಷ್ಟ್ ಮಂತ್ರಾಂಕ್ ಆಮ್ಚಿ ವಳಕ್ ಜಾಂವ್ಕ್ ಸಾಧ್ಯ್ ಜಾತಾ. ಆಧುನಿಕ್ ಸಂಸಾರಾರ್ ಸಂಪರ್ಕ್ ಮಾಧ್ಯಮಾಂತ್ ಪ್ರಗತಿ ಜಾವ್ನ್ ಸಗ್ಳ್ಯಾ ಸಂಸಾರಾರ್ ಖಬರ್ ವೆಗಾನ್ ವಿಸ್ತಾರ್ತಾ ಆನಿ ಗಾಜ್ತಾ. ಹಾಚೆ ವರ್ವಿಂ ಸಂಸಾರಾಚಾ ಪೊಂತಾನ್ ಪೊಂತ್ ಆಸ್ಚ್ಯಾ ಲೊಕಾಕ್ ಮಾಹೆತ್ ಆಪ್ಣಾಂವ್ಕ್ ಸಾಧ್ಯ್ ಜಾತಾ.

ಆಮ್ಚ್ಯಾ ಫಿರ್ಗಜ್ ಕುಟ್ಮಾಕ್ ಹೆಂ ವೆಬ್‍ಸೈಟ್ ಫಾಯ್ದ್ಯಾಚೆಂ ಜಾಂವ್. ಜೊಕ್ತಿ ಮಾಹೆತ್ ವೆಳಾರ್ ಮೆಳೊಂ. ಫಿರ್ಗಜ್ ಜಿವಾಳ್ ಆನಿ ಕ್ರಿಯಾಳ್ ಜಾಂವ್ಕ್ ಆಧಾರ್ ಜಾಂವ್. ಫಾವೊ ತ್ಯಾ ವೆಳಾರ್ ಮಾಹೆತ್ ದೀಂವ್ಕ್ ಸಹಕಾರ್ ದಿಲ್ಲ್ಯಾ ವಿಶೇಷ್ ಜಾವ್ನ್ ಗೊವ್ಳಿಕ್ ಪರಿಷದೆಚಾ ಸರ್ವ್ ಸಾಂದ್ಯಾಂಚೊ, ಅಪೊಸ್ತಲಿಕ್ ಸಂಘ್-ಸಂಸ್ಧ್ಯಾಂಚೊ ಆನಿ ಸರ್ವ್ ಫಿರ್ಗಜ್‍ಗಾರಾಂಚೊ ಹಾಂವ್ ಉಪ್ಕಾರ್ ಭಾವುಡ್ತಾಂ. ಹೆಂ ಯೆವ್ಜಣ್ ಸುಫಳ್ ಜಾಂವ್ಚ್ಯಾಕ್ ಕ್ರೀಸ್ತ್ ರಾಯಾಚಿ ವಿಂಚ್ಣಾರ್ ಆಶೀರ್ವಾದಾಂ ಮಾಗ್ತಾಂ.

ವಿಗಾರ್

ಕ್ರೀಸ್ತ್  ರಾಯ್ ಫಿರ್ಗಜ್ ಮನೆಲ