ಫೆಬ್ರವರಿ 22, 2026

ಕ್ರೀಸ್ತ್ ರಾಯ್ ಫಿರ್ಗಜ್ ಮನೆಲಾಂತ್ 2026 ಫೆಬ್ರವರಿಚಾ 22 ತಾರಿಕೆರ್ ದೇವ್ ಆಪವ್ಣೆಂ ಆಯೋಗ್ ಆನಿ ಭಾವಾರ್ಥಿ ಶಿಕ್ಷಣ್ ಆಯೋಗಾನ್ ಸಾಂಗಾತಾ ಮೆಳೊನ್ ವೆದಿ ಸೆವಾಕಾಂಚೊ ಆನಿ ಮಿಶಿನರಿ ಮೆಳಾಚೊ ದೀಸ್ ಸಕಾಳಿಂ ಮಿಸಾಚಾ ಬಲಿದಾನಾಂತ್ ವಾಂಟೊ ಘೆವ್ನ್ ಆಯ್ತಾರಾ ಸಕಾಳಿಂ 11.00  ವರಾರ್ ಆಚರಣ್ ಕೆಲೊ. ಹ್ಯಾ ಕಾರ್ಯಾಂತ್ ಫಿರ್ಗಜೆಚಾ 50 ಭುರ್ಗ್ಯಾಂನಿ ಭಾಗ್ ಘೆತ್ಲೊ. ಭುರ್ಗ್ಯಾಂಕ್ ಮಾನೆಸ್ತಿಣ್ ಫಿಲೋಮಿನಾ ಮೊಂತೇರೊನ್ ವಿವಿಧ್ ರಿತಿಚೆ ಖೆಳ್ ಚಲವ್ನ್ ವ್ಹೆಲೆಂ. ವಿಗಾರ್ ಬಾಪಾನಿಂ ಭುರ್ಗ್ಯಾಂಕ್ ಚಾರ್ ಪಂಗಡ್ ಕೆಲೆ. ದೇವ್ ಅಪವ್ಣೆಂ ಆಯೋಗಾಚಿ ಕಾರ್ಯದರ್ಶಿ ಸಿ. ಸುಶ್ಮಿತಾ ಲೋಬೊನ್ ಭುರ್ಗ್ಯಾಂಕ್ ಪವಿತ್ರ್ ಪುಸ್ತಕ್ ಸಂಬಂಧಿತ್ ಆನಿ ವಿವಿಧ್ ಜನರಲ್ ಸವಾಲಾಂ ವಿಚಾರ್ನ್ ಚಾರ್ ಪಂಗ್ಡಾಕ್ ಕ್ವಿಜ್ ಚಲವ್ನ್ ವ್ಹೆಲೆಂ. ಶಿಕ್ಷಕಿ ಶ್ವೇತಾ ಮೊಂತೇರೊ, ಲಿರಿಶ್ಯಾ ಡಿಸೋಜ ತಶೆಂಚ್ ಭಾವಾರ್ಥಿ ಶಿಕ್ಷಣ್ ಆಯೋಗ್ ಸಂಚಾಲಕಿ ಫಿಲೋಮಿನಾ ಮೊಂತೇರೊ, ಕಾರ್ಯದರ್ಶಿ ರೆನಿಟಾ ಡಿಸೋಜ ಆನಿ ಆಯೋಗ್ ಸಂಯೋಜಕಿ ಫಿಲೋಮಿನಾ ಡಿಸೋಜ ಆನಿ ವಿಗಾರ್ ಬಾಪಾನಿಂ ಸಾಂಗಾತ್ ದಿಲೊ. ಭುರ್ಗ್ಯಾಂನಿ ಸಕ್ರಿಯ್ ರಿತಿನ್ ಭಾಗ್ ಘೆತ್ಲೊ. 

ಉಪ್ರಾಂತ್ ವೆದಿ ಕಾರ್ಯೆಂ ಚಲವ್ನ್ ವ್ಹೆಲೆಂ. ವೆದಿಚೆರ್ ಫಿರ್ಗಜ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್,  ಆಯೋಗ್ ಸಂಯೋಜಕಿ ಮಾನೆಸ್ತಿಣ್ ಫಿಲೋಮಿನಾ ಡಿಸೋಜ, ದೇವ್ ಅಪವ್ಣೆಂ ಆಯೋಗ್ ಸಂಚಾಲಕಿ ಮಾನೆಸ್ತಿಣ್ ವೀಣಾ ಡಿಸೋಜ, ಭಾವಾರ್ಥಿ ಶಿಕ್ಷಣ್ ಸಂಚಾಲಕಿ ಫಿಲೋಮಿನಾ ಮೊಂತೇರೊ ವೆದಿರ್ ಹಾಜರ್ ಆಸ್ಲಿ.  ವಿಗಾರ್ ಬಾಪಾನಿಂ ಕಾರ್ಯಕ್ ಉದ್ದೇಶಿಸುನ್ ಸಂದೇಶ್ ದಿಲೊ. ಭಾವಾರ್ಥಿ ಶಿಕ್ಷಣ್ ಆಯೋಗ್ ಕಾರ್ಯದರ್ಶಿ ಮಾನೆಸ್ತಿಣ್ ರೆನಿಟಾ ಡಿಸೋಜನ್ ಖೆಳಾಂತ್ ತಶೆಂಚ್  ಭಾವಾರ್ಥಿ. ಶಿಕ್ಷಣ್ ಸಂಚಾಲಕಿ ಫಿಲೋಮಿನಾ ಮೊಂತೇರೊನ್ ಕ್ವಿಜಾಂತ್ ಜಿಕ್ ಲ್ಲ್ಯಾಂಕ್ ಇನಾಮಾಂ ವಾಂಟ್ಚೆಂ ಕಾರ್ಯೆಂ ಚಲವ್ನ್ ವೆಲೆಂ.  ಕಾಯಂತ್ ವಾಂಟೊ ಘೆತ್ಲ್ಯಾ ಹರ್ಯೆಕಾ ಭುರ್ಗ್ಯಾಂಕ್ ಇನಾಮಾಂ ದೀವ್ನ್ ಪ್ರೊತ್ಸಾಹ್ ದಿಲೊ. ಹ್ಯಾ ಕಾರ್ಯಂತ್ ದೇವ್ ಅಪವ್ಣೆಂ ಆಯೋಗ್ ಆನಿ ಭಾವಾರ್ಥಿ ಶಿಕ್ಷಣ್ ಆಯೋಗಾಚಾ ಸಾಂದ್ಯಾಂನಿಂ ಆನಿ ಭಾವಾರ್ಥಿ ಶಿಕ್ಷಣ್ ದಿಂವ್ಚ್ಯಾ ಶಿಕ್ಷಕಾಂನಿ ಸಹಕಾರ್ ದಿಲೊ. ದೇವ್ ಅಪವ್ಣೆಂ ಆಯೋಗ್ ಸಂಚಾಲಕಿ ಮಾನೆಸ್ತಿಣ್ ವೀಣಾ ಡಿಸೋಜನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ. ಉಪ್ರಾಂತ್ ವಿಗಾರ್ ಬಾಪಾನಿo ಮಾಗ್ಣ್ಯಾಂ ದ್ದಾರಿo ಕಾರ್ಯೆಂ ಅಕೆರ್ ಕೆಲೆಂ. ಸರ್ವ್ ಭುರ್ಗ್ಯಾಂಕ್ ಬಿರಿಯಾನಿ ಜೆವಾಣ್ ದೀವ್ನ್ ದಾಧೊಶಿ ಕೆಲೆಂ.