ಫೆಬ್ರವರಿ 18, 2026

2026 ಫೆಬ್ರವರಿ ಮಹಿನ್ಯಾಚ್ಯಾ 18 ತಾರಿಕೆರ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಹಾಣಿಂ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟವ್ನ್ ಸರ್ವ್ ಫಿರ್ಗಜ್ಗಾರಾಂಕ್ ಸಿಂಜ್ ಫಾಲ್ನ್ ಪ್ರಾಚಿತ್ ಕಾಳ್ ಆರಂಭ್ ಕೆಲೊ. ಚಾಳೀಸ್ ದೀಸ್ ಸದಾಂ ಸಾಂಜೆರ್ 5.00 ವ್ಹರಾರ್ ಖುರ್ಸಾ ವಾಟ್ ಉಪ್ರಾಂತ್ ಮಿಸಾಚೆ ಬಲಿದಾನ್ ವಾಡ್ಯಾವಾರ್ ತಶೆಂಚ್ ಅಕ್ರೇಚಾ ಹಫ್ತ್ಯಾಂತ್ ಸಂಘ್-ಸಂಸ್ಥೆ, ಅಲ್ತಾರ್ ಭುರ್ಗಿಂ ಆನಿ ಧಾರ್ಮಿಕ್ ಭಯ್ಣಿಂನಿ ಲಿತುರ್ಜಿ ಚಲವ್ನ್ ವ್ಹೆಲಿಂ. ಹ್ಯಾ ದಿಸಾಂನಿ ಸದಾಂ ಸಾಂಜೆರ್ ತೀನಿ ವಾಡ್ಯಾನಿ ಹರ್ಯೇಕಾ ಘರಾ ಪವಿತ್ರ್ ಖುರ್ಸಾಚೆಂ ಭಕ್ತಿಪಣ್ ಸೆಜಾರ್ಚಿ ಸಾಂಗಾತಾ ಮೆಳೊನ್ ಚಲವ್ನ್ ವ್ಹೆಲೆಂ.

ಪ್ರಾಚಿತ್ ಕಾಳಾರ್ ಆತ್ಮೀಕ್ ಬರೆಪಣ್ ಜೊಡ್ಚ್ಯಾ ಖಾತಿರ್ ಮಾರ್ಚ್ ಮಹಿನ್ಯಾಚಾ 21 ಆನಿ 22 ತಾರೀಕರ್ ದೋನ್ ದೀಸಾಂಚಿ ರೆತಿರ್ ಆಸಾ ಕೆಲ್ಲಿಂ. ಸನ್ವಾರಾ ಸಾಂಜೆರ್ 4.00 ಥಾವ್ನ್ 8.00 ವೊರಾಂ ಆನಿ ಆಯ್ತಾರಾ ಸಕಾಳಿಂ 9.00 ಥಾವ್ನ್ 1.00 ವೊರಾಂ ಪರ್ಯಾಂತ್ ಮಾನಾಧಿಕ್ ಸುನಿಲ್ ಪಿಂಟೊ ಬಾಪಾಂನಿ ಚಲವ್ನ್ ವ್ಹೆಲಿಂ. ಶ್ರೀಮತಿ ಪ್ರೀತಿ ಡಿಸೋಜ ಹಾಣಿಂ ಸಂಗೀತಾಚೊ ಸಾಂಗಾತ್ ದಿಲೊ. ಉದಾರ್ ಮನಚ್ಯಾ ದಾನಿ ಮುಕಾಂತ್ರ್ ತ್ಯಾ ದೀಸಾ ಜೆವ್ಣಾಚಿ ವ್ಯವಸ್ಥಾ ಕೆಲ್ಲಿಂ. ಪ್ರಾಚಿತ್ ಕಾಳ್ ತಶೆಂಚ್ ಭಾಗೆವಂತ್ ಹಫ್ತ್ಯಾಚಿ ದೇವ್ ಸ್ತುತಿ ಆನಿ ಕೊಯಾರಾಚಿ ಮಾಂಡಾವಳ್ ದೇವ್ ಸ್ತುತಿ ಆಯೋಗಾನ್ ಫಿರ್ಗಜ್ ಕುಟ್ಮಾಕ್ ವಾಂಟುನ್ ದಿಲ್ಲಿಂ.