ಜೂನ್ 01, 2025

2025 ಜೂನ್ ಮಹಿನ್ಯಾಚ್ಯಾ 1 ತಾರಿಕೆರ್ ಕ್ರೀಸ್ತ್ ರಾಯಾಕ್ ಸಮರ್ಪಿಲ್ಯಾ  ಮನೆಲಾ ಫಿರ್ಗಜೆಂತ್ ಕ್ರೀಸ್ತೀ  ಶಿಕ್ಶಣ್ ವರಸ್ 2025–26 ಉಗ್ತಾವನಾಚಿ ರೀತ್ ಚಲವ್ನ್ ವೆಲಿ. ಸಕಾಳಿಂ 7.30 ವರಾರ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೋಡ್ರಿಗಸ್ ಹಾಣಿ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆ. ಮಿಸಾಚಾ ಪ್ರವೇಶ್ ಪುರ್ಶ್ಯಾಂವಾರ್ ಖುರಿಸ್, ಅಲ್ತಾರ್ ಭುರ್ಗಿ, ದೊತೊರ್ನಿಚಾ ಭುರ್ಗ್ಯಾ ಪಯ್ಕಿ ತೆಗ್ ಚಲೆ ಅನಿ ಚಲಿಯೊ ,ಏಕ್ ಜೊಡಿ ಅವಯ್ ಬಾಪಯ್ ಜಾವ್ನ್ ಉರ್ಬಾನ್ ಆನಿ ಲಿಲ್ಲಿ ಪುಷ್ಪಾ ಡಿಸೋಜಾ ಫಿರ್ಗಜ್ ಗೊವ್ಳಿಕ್ ಪರಿಶದ್ ಕಾರ್ಯದರ್ಶಿ ಆನಿ ಕ್ರಿಸ್ತೀ ಶಿಕ್ಶಣ್ ಸಂಯೋಜಕಿ ಫಿಲೊಮಿನಾ ಡಿಸೋಜ, ಸರ್ವ್ ಭಾವಾರ್ಥಿ ಶಿಕ್ಶಣ್ ಶಿಕ್ಷಕಾಂ ಆನಿ ವಿಗಾರ್ ಬಾಪ್ ಯೇವ್ನ್ ‘ಭಾವಾರ್ಥಾಚೆ ಶಿಕೊವ್ಣೆನ್, ಭರ್ವಶಾನ್ ಭರುನ್ ‘ ಮ್ಹಳ್ಳ್ಯಾ ಧ್ಯೇಯ್ ವಾಕ್ಯಾಖಾಲ್ ' ಉಗ್ತಾವನಾಚಿ ರೀತ್ ಚಲವ್ನ್ ವೆಲಿ. ಮಂಗಳ ಜ್ಯೋತಿಚ್ಯಾ ನಿರ್ದೇಶಕ್ ಪರ್ಮಾಣೆಂ ವಿಗಾರಾನ್ ಶಿಕ್ಶಕಾಂಕ್ ಪವಿತ್ರ್ ಪುಸ್ತಕ್ ಆನಿ ಭುರ್ಗ್ಯಾಂಕ್ ದೊತೊರ್ನಿಚೆ ಬೂಕ್ ದಿಲೆ. ಗೊವ್ಳಿಕ್ ಪರಿಷದ್  ಕಾರ್ಯದರ್ಶಿ ಆನಿ ಕ್ರೀಸ್ತೀ ಶಿಕ್ಷಣ್ ಸಂಯೋಜಕಿ ಫಿಲೋಮಿನಾ ಡಿಸೋಜಾ ತಶೆಂಚ್ ಭುರ್ಗ್ಯಾಂಚಿ ವ್ಹಡಿಲಾಂ ಉರ್ಬಾನ್ ಆನಿ ಲಿಲ್ಲಿ ಪುಷ್ಪಾ ಡಿಸೋಜಾನ್  ಝಢಾಂಕ್ ಉದಾಕ್ ವೊತುನ್ ಉಗ್ತಾವಣ್ ಕೆಲೆಂ. ಹಿ ಉಗ್ತಾವಣಾಚಿ ರೀತ್ ಶಿಕ್ಶಕಿ ಪ್ರಿಯಾ ಡಿಸೋಜಾನ್ ಚಲವ್ನ್ ವೆಲಿ.

ಉಪ್ರಾಂತ್ ಮಿಸಾಚೆ ಬಲಿದಾನ್ ಭೆಟವ್ನ್, ಅಪ್ಲ್ಯಾ ಸಂದೇಶಾಂತ್ ಕ್ರೀಸ್ತಿ ಶಿಕ್ಶಣಾಚೊ ಮಹತ್ವ್ ವಿಗಾರ್ ಬಾಪಾನಿಂ ಫಿರ್ಗಜ್ ಗಾರಾಂಕ್‍ ತಶೆಂಚ್ ಭುರ್ಗ್ಯಾಂಚ್ಯಾ ವ್ಹಡಿಲಾಂಕ್ ತಿಳ್ಸಿಲೆ. ತಶೆಂಚ್ ಮಿಸಾ ವೆಳಾರ್ ಭಾವಾರ್ಥಿ ಶಿಕ್ಷಣ್ ಶಿಕೊಂವ್ಚ್ಯಾ ಶಿಕ್ಷಕಾಂಕ್ ಅಧಿಕ್ರತ್ ರಿತಿನ್ ಮಿಸಾಂವಾಕ್ ನೇಮಕ್ ಕರ್ಚಿ ರೀತ್ ವಿಗಾರ್ ಬಾಪಾನಿಂ ಚಲವ್ನ್ ವೆಲಿ.

ಭುರ್ಗ್ಯಾಂನಿ ಅಪುರ್ಬಾಯೆನ್ ದೇವ್ ಸ್ತುತೆಂತ್ ವಾಂಟೊ ಘೆತ್ಲೊಂ. ಸರ್ವ್ ಶಿಕ್ಶಕಾಂನಿ ಉಗ್ತಾವಣಾಚಾ ರಿತಿಂತ್ ಸಹಕಾರ್ ದಿಲೊ. ಕ್ರೀಸ್ತಿ ಶಿಕ್ಶಣ್ ಆನಿ ದೇವ್ ಸ್ತುತಿ ಆಯೋಗಾಚಾ ಸಾಂದ್ಯಾಂನಿ ಸಾಂಗಾತ್ ದಿಲೊ.