ಫೆಬ್ರವರಿ 01, 2026

ಫೆಬ್ರವರಿ ಮಹಿನ್ಯಾಚ 01 ತಾರಿಕೆ ದಿಸಾ ಕ್ರೀಸ್ತ್ ರಾಯಾಚಿ ಫಿರ್ಗಜ್ ಮನೆಲಾ ಹಾಂಗಾಸರ್ ವಿಗಾರ್ ಭೊವ್ ಮಾನಾಧಿಕ್ ಸ್ಟ್ಯಾನಿಸ್ಲಾಸ್ ಬಾಪಾಂಚಾ ಮುಖೆಲ್ಪಣಾಂತ್ "ಭುರ್ಗ್ಯಾಂಚೆ ವರಸ್" ಕಾರ್ಯೆಂ ಉಗ್ತಾವಣ್ ಜಾಲೆಂ. ಪಡ್ದೊ ವೊಡ್ಚಾ ಮುಕಾಂತರ್ ವಿಗಾರ್ ಬಾಪಾಂನಿ ಬ್ಯಾನರ್ ಉಗ್ತಾವಣ್ ಕೆಲೆಂ. ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ಪ್ರಕಾಶ್ ಮೊಂತೇರೊ, ಕಾರ್ಯದರ್ಶಿ ಮಾನೆಸ್ತಿನ್ ಪ್ರೆಸಿಲ್ಲಾ ಸೋಜ್,ಬಾವಿಸ್ ಆಯೋಗಚಿ ಸಂಯೋಜಕಿ ಮಾನೆಸ್ತಿನ್ ಫಿಲೋಮಿನಾ ಸೋಜ್ ಹಾಣಿಂ ಸಾಂಗತ್ಪಣ್ ದಿಲೊ.

ಸಗ್ಳೆಂ ಕಾರ್ಯೆಂ ಮುಳಾವಿ ಕ್ರೀಸ್ತೀ ಸಮುದಾಯ್ ಸಂಚಾಲಕಿ ಶ್ರೀಮತಿ ಮೇರಿ ಸೋಜ್,ಕುಟ್ಮಾ ಆಯೋಗ್ ಸಂಚಾಲಕ ಶ್ರೀ ಸಿಪ್ರಿಯಾನ್ ಮೊಂತೇರೊ ಅನಿ ಆಯೋಗಚ ಸಾಂಧ್ಯಾನಿ ಸಾಂಗಾತಾ ಮೆಳೊನ್ ಸಗ್ಳೆಂ ಕಾರ್ಯೆಂ ಮಾಂಡುನ್ ಹಾಡ್ಳೆಂ. ಕಾರ್ಯಾಚಾ ಸುರ್ವೆರ್ "ಅಮ್ಚಿ ಭುರ್ಗಿಂ ಬಾಳಾಂ" ಮ್ಹಳ್ಳೆಂ ಧ್ಯೇಯ್ ಗೀತ್ ವ್ಹಡಿಲಾನಿಂ  ಗಾಯನ್ ಕೆಲೆಂ. ತ್ಯಾ ದಿಸಾ ಮಿಸಾಚಿ ಲಿತುರ್ಜಿ ಅನಿ ಕೊಯಾರ್ ಭುರ್ಗ್ಯಾಂನಿಚ್ ಚಲವ್ನ್ ವ್ಹೆಲೆಂ. ಕ್ರೀಸ್ತೀ ಶಿಕ್ಷಣ್ ಶಿಕ್ಷಕಂನಿ ತಾಂಕಾ ತರ್ಭೆತಿ ದಿಲ್ಲಿ. ಮಾನೆಸ್ತ್ ಸಂತೋಷ್ ಮೊಂತೇರೊ ಹಾಣಿಂ ಸರ್ವ್ ಭುರ್ಗ್ಯಾಂಕ್ ಐಸ್ ಕ್ರೀಮ್ ಪ್ರಾಯೋಜಿತ್ ಕೆಲ್ಲೆಂ.