ಡಿಸೆಂಬರ್ 24, 2025

2025 ಡಿಸೆಂಬರ್ ಮಹಿನ್ಯಾಚಾ 24 ತಾರಿಕೆರ್ ಸಾಂಜೆರ್ 6.30 ವರಾರ್ ಕ್ರಿಸ್ಮಸ್ ಕ್ಯಾರಲ್ಸ್ ಐ.ಸಿ.ವೈ.ಯಂ ಸಾಂದ್ಯಾಂಚ್ಯಾ ಮುಖೆಲ್ಪಣಾಖಾಲ್ ಚಲವ್ನ್ ವ್ಹೆಲೆಂ. ಉಪ್ರಾಂತ್ 7.00 ವರಾರ್ ನತಲಾಂ ಫೆಸ್ತಾಚೆ ಸಂಭ್ರಮಿಕ್ ಮೀಸ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಸ್ ರೊಡ್ರಿಗಸ್ ಬಾಪಾಂನಿ ಭೆಟಯ್ಲೆಂ.  ಫಿರ್ಗಜ್‍ಗಾರಾಂನಿ ದೇವ್ ಸ್ತುತಿ ಚಲವ್ನ್ ವ್ಹೆಲಿಂ. ತಶೆಂಚ್ ಭಾಗವಂತ್  ಕುಟ್ಮಾಂ ವಾಡ್ಯಾಗಾರಾಂನಿ ಗಾಯನ್ ಕೆಲೆಂ.

ಮಿಸಾ ಉಪ್ರಾಂತ್  ಫಿರ್ಗಜ್‍ಗಾರಾಂನಿ ಹಾಡ್ಲೊ  ಕುಸ್ವಾರ್ ಸರ್ವಾಂಕ್ ಸ್ತ್ರೀ ಸಂಘಟನಾಚಾ ಸಾಂದ್ಯಾಂನಿ ವಾಂಟ್ಲೊ. ಉಪ್ರಾಂತ್ ವೈ.ಸಿ.ಯಸ್ ಭುರ್ಗ್ಯಾಂನಿ ಮಟ್ವೆಂ ಸಾಂಸ್ಕೃತಿಕ್ ಕಾರ್ಯೆಂ  ಮಾಂಡುನ್ ಹಾಡ್ಲೆಂ. ತಶೆಂಚ್ ವೈ.ಸಿ.ಯಸ್ ಆನಿ ಐ.ಸಿ. ವೈ.ಯಮ್  ನ್ ಎದೊಳ್ ಚಲವ್ನ್ ವ್ಹೆಲ್ಲ್ಯಾ ಸ್ಪರ್ಧಾಂಚಿ ಇನಾಮಾಂ ವಾಂಟ್ಲಿಂ. ಉಪ್ರಾಂತ್ ಫಿರ್ಗಜ್‍ಗಾರಾಂಕ್ ಹೌಸಿ ಹೌಸಿ ಖೆಳ್ ಚಲವ್ನ್ ವ್ಹೆಲೆಂ. ಸಂತಕ್ಲಾಸ್ ಯೇವ್ನ್ ನತಲಾಂ ಫೆಸ್ತಾಚೆ ಉಲ್ಲಾಸ್ ಪಾಟಯ್ಲೆಂ. ಐ.ಸಿ ವೈ.ಯಮ್ ಸಾಂದ್ಯಾಂನಿ ಕ್ರಿಸ್ಮಸ್ ಲಕ್ಕಿ ಫ್ಯಾಮಿಲಿ ವಿಂಚವ್ಣ್ ಕರ್ನ್ ಇನಾಮಾಂ ವಾಂಟ್ಲಿಂ. ಕಾರ್ಯೆಂ ಸಂಪ್ತಚ್  ಸರ್ವ್ ಫಿರ್ಗಜ್‍ಗಾರಾಂಕ್ ಜೆವಾಣ್ ದಿಲೆಂ.     

ಫೆಸ್ತಾಕ್ ತಯಾರಾಯ್ ಜಾವ್ನ್  ಐ.ಸಿ.ವೈ.ಯಂ ಸಾಂದ್ಯಾಂನಿಂ  ಫಿರ್ಗಜ್‍ಗಾರಾಂಕ್ ವಿವಿಧ್ ಸ್ಪರ್ಧೆ ಮಾಂಡುನ್ ಹಾಡ್ಲ್ಯಾಂತ್. ಯುವಜಣಾಂನಿ ಫಿರ್ಗಜೆಚಾ ಸರ್ವ್ ಕುಟ್ಮಾಚಿಂ ಭೆಟ್ ದೀವ್ನ್ ನತಾಲಾ ಫೆಸ್ತಾಚೊ ಸಂದೇಶ್ ಪಾಸರ‍್ಲೊ  ಆನಿ ಇಗರ್ಜೆ ಭೊಂವಾರಿ ವೀಜ್  ದಿವ್ಯಾಂನಿ ಸೊಭಯ್ಲೆಂ. ಅಲ್ತಾರ್ ಭುರ್ಗಿಂ ಆನಿ ಐ.ಸಿ.ವೈ.ಯಂ ಸಾಂದ್ಯಾಂನಿ ಕ್ರಿಸ್ಮಸ್ ಟ್ರೀ ತಯಾರ್ ಕೆಲಾಂ. ಐ.ಸಿ.ವೈ.ಯಂ ಆನಿ ವೈ.ಸಿ.ಯಸ್ ಭುರ್ಗ್ಯಾಂನಿ ವ್ಹಡ್ಲಿಂ ನೆಕೆತ್ರಾಂ ತಯಾರ್ ಕರ್ನ್ ಸೊಭಯ್ಲ್ಯಾಂತ್. ಕಥೊಲಿಕ್ ಸಭಾಚಾ ಸಾಂದ್ಯಾಂನಿ ಇಗರ್ಜೆ ಭಿತರ್ ಆನಿ ಭಾಯ್ರ್ ನೆಕೆತ್ರಾಂನಿ ಸುಂರ್ಗಾರಾಯ್ಲೆಂ. ಬಾಳಕ್ ಜೆಜು ವಾಡ್ಯಾಗಾರಾಂನಿ ಇಗರ್ಜೆಲಾಗಿಂ ಅಪುರ್ಬಾಯೆಚೊ ಗಾರ್ದಾನಾಚೊ ಗೊಟೊ ತಯಾರ್ ಕೆಲಾಂ. ಅಶೆಂ ಫೆಸ್ತ್ ವಡಾ ಸಂಭ್ರಮಾನ್ ಆಚರಣ್ ಕೆಲಾಂ.