ನವೆಂಬರ್ 26, 2025

ಕ್ರೀಸ್ತ್ ರಾಯಾಕ್ ಸಮರ್ಪಿಲ್ಲ್ಯಾ ಮನೆಲಾ ಫಿರ್ಗಜೆಂತ್ ನವೆಂಬರಾಚಾ 26 ತಾರಿಕೆರ್ ಬುದ್ವರಾ ಕ್ರೀಸ್ತ್ ರಾಯಾಕ್ ಮಾನ್ ಕರ್ನ್ ಫಿರ್ಗಜೆಚೆಂ ವಡ್ಲೆಂ ಫೆಸ್ತ್ ಅಚರಣ್ ಕೆಲೆಂ. ಸಕಾಳಿಂ 9.45 ವರಾರ್ ಮುಡ್ದೊಮಾಚಿ ವಾತಿ ವಾಂಟ್ಲಿ. 10.00 ವರಾರ್ ಫೆಸ್ತಾಚೆ  ಸಂಭ್ರಮಿಕ್ ಮೀಸ್ ಭೆಟಯ್ಲೆಂ.  ಸಾಂ ಜುವಾಂವ್ ಪಾವ್ಲ್ ದುಸ್ರೊ ವಿಟ್ಲ ವಾರಾಡ್ಯಾಚೆ ವಿಗಾರ್ ವಾರ್ ತಶೆಂಚ್ ವಿಟ್ಲ ಫಿರ್ಗಜೆಚೆ ವಿಗಾರ್ ಬಾಪ್ ಐವಾನ್ ಮೈಕಲ್ ರೊಡ್ರಿಗಸಾನಿ ಪ್ರಧಾನ್ ಯಾಜಕ್ ಜಾವ್ನ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಸಾಂಗಾತಾಚ್ ಹೆರ್ 12 ಯಾಜಕಾನಿಂ ಸಹ ಭೆಟವ್ಣಿ ಕೆಲಿ. ಬಾಪ್ ಐವಾನಾನ್ ಕ್ರೀಸ್ತ್ ರಾಯ್ ಆನಿ ತಾಚಾ  ಮುಖಾಂತ್ರ್ ಕೆಲ್ಲ್ಯಾ ಬರೆಪಣಾ ವಿಶಿಂ,  ಅಪುರ್ಬಾಯೆಚೊ ಸಂದೇಶ್ ದಿಲೊ.

ಫಿರ್ಗಜ್ ಗೊವ್ಳಿಕ್ ಪರಿಷದೆಚಾ ಸಾಂದ್ಯಾಂನಿ ದೇವ್ ಸ್ತುತಿ ಚಲವ್ನ್ ವೆಲಿ. ಗಾಯನ್ ಪಂಗ್ಡಾಚಾ ಸಾಂದ್ಯಾಂನಿ ಅಪುರ್ಬಾಯೆಚೆ ಗಾಯನ್ ಕೆಲೆ. ಗೊವ್ಳಿಕ್ ಪರಿಷದೆಚಾ ಸಾಂದ್ಯಾಂನಿ ಕಾಣಿಕೊ ಅರ್ಪಿಲ್ಯೊ. ಮಿಸಾಚಾ ಅಕ್ರೆಕ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸಾಂನಿ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. 

ಮಿಸಾ ಉಪ್ರಾಂತ್ YCS, ICYM ಸಾಂದ್ಯಾಂನಿ  ಘಾಲ್ಲ್ಯಾ ಸ್ಟೋಲಾಂತ್  ಸರ್ವಾಂನಿ ಥೊಡೊ ವೇಳ್ ಖರ್ಚಿಲೊ. ICYM ಆನಿ ಅಲ್ತಾರ್ ಭುರ್ಗ್ಯಾಂನಿ ಲಕ್ಕಿ ಡಿಪ್ ಡ್ರಾ ಚಲವ್ನ್ ವೆಲೆಂ. ಫಿರ್ಗಜ್ ಗೊವ್ಳಿಕ್ ಪರಿಷದೆಚಾ ಸಾಂದ್ಯಾಂನಿ ಸಗ್ಳಿ ಮಾಂಡಾವಾಳ್ ಫಾಲ್ನ್, ಸರ್ವ್ ಅಯೋಗ್ ಆನಿ  ಸಂಘ್-ಸಂಸ್ಥ್ಯಾಚ್ಯಾ ಸಾಂದ್ಯಾಂನಿ ತಶೆಂಚ್ ಫಿರ್ಗಜ್  ಗಾರಾಂನಿಂ ಸಾoಗಾತ್ ದಿಲಾ. ಅಶೆಂ ಫಿರ್ಗಜೆಚೆಂ ವಡ್ಲೆಂ ಫೆಸ್ತ್  ಭೋವ್ ಅಪುರ್ಬಾಯೆನ್ ಅಚರಣ್ ಕೆಲೆಂ.