ಡಿಸೆಂಬರ್ 21, 2025

2025 ಡಿಸೆಂಬರ್ ಮಹಿನ್ಯಾಚ್ಯಾ 21 ತಾರಿಕರ್ ದನ್ಪರಾ 3.00 ವರಾರ್ ಕ್ರೀಸ್ತೀ ಶಿಕ್ಷಣ್ ಭುರ್ಗ್ಯಾಂಕ್ ಸಾಂತಾಚೆ ನೆಸಾಣ್ ಸ್ಪರ್ಧೊ ಕ್ರೀಸ್ತೀ ಶಿಕ್ಷಣಾ ತರ್ಫೆನ್  ಚಲವ್ನ್ ವೆಲೊ. ಹ್ಯಾ ಸ್ಪರ್ಧ್ಯಾಂತ್ 26  ಭುರ್ಗ್ಯಾಂನಿ ವಾಂಟೊ ಘೆತ್ಲಾ. ಹ್ಯಾ ಸ್ಪರ್ಧಾಂತ್ ವಿಗಾರ್ ಬಾಪ್ ಸ್ಟಾನಿಸ್ಲಾಸ್ ರೊಡ್ರಿಗಸ್, ಕೊವೆಂತಾಚಿ ವಡಿಲ್ನ್ ಸಿ. ಲಿಲ್ಲಿ ಪಿಂಟೊ, ಸಿ. ತೆರೆಝಿಯಾ, ಕ್ರೀಸ್ತೀ ಶಿಕ್ಷಣ್ ಸಂಯೋಜಕಿ ತಶೆಂಚ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ, ಕ್ರೀಸ್ತೀ ಶಿಕ್ಷಣ್ ಶಿಕ್ಷಕಾಂ ಆನಿ ಭುರ್ಗ್ಯಾಂಚಿಂ ವಡಿಲಾಂ ಹಾಜರ್ ಆಸಲ್ಲಿ, 

ಹೊ ಸ್ಪರ್ಧೊ ಚಲವ್ನ್ ವೆಲ್ಲ್ಯಾನ್ ಸಾಂತಾಚಿ ಜಿಣ್ಯೆವಿಶಿಂ ಸಮ್ಜಣಿ ಲಾಭ್ಲಿ. ಭುರ್ಗ್ಯಾಂಚ್ಯಾ ವಡಿಲಾಂನಿಂ ಅಪುರ್ಬಾಯೆನ್ ಭುರ್ಗ್ಯಾಂಕ್ ತಯಾರ್ ಕೆಲಾ. ಹೆಂ ಕಾರ್ಯoತ್‌ ಫಿಲೋಮಿನಾ ಮೊಂತೇರೊನ್ ಸ್ವಾಗತ್ ಮಾಗೊನ್ ಕಾರ್ಯೆಂ ನಿರೂಪಣ್ ಕೆಲೆಂ. ಲಿರಿಶಾ ಡಿಸೋಜನ್ ಭುರ್ಗ್ಯಾಂಚೆಂ ಟೊಕನ್ ನಂಬರ್ ಅಪವ್ನ್ ಕಾರ್ಯೆಂ ಚಲವ್ನ್ ವೆಲೆಂ. ಸಂಯೋಜಕಿ ಫಿಲೋಮಿನಾ ಡಿಸೋಜನ್ ಧನ್ಯವಾದ್ ಪಾಟಯ್ಲೆo. ವಾರಾಯ್ಣಾರ್ ಜಾವ್ನ್ ಸಿ. ಲಿಲ್ಲಿ ಪಿಂಟೊ ಆನಿ ಸಿ. ತೆರೆಝಿಯಾನ್ ಸಹಕಾರ್ ದಿಲೊ. ಜಮ್ಲ್ಯಾ ಸಮೆಸ್ತಾಂಕ್ ಐಸ್ ಕ್ರೀಂ ವಿತರಣ್ ಕೆಲೆಂ. ಅಶೆಂ 4.30 ವರಾರ್ ಕಾರ್ಯೆಂ ಸಂಪ್ಲೆಂ.