ಮಾರ್ಚ್ 30, 2025

ಹ್ಯಾಚ್ ಮಾರ್ಚ್ ಮಹಿನ್ಯಾಚ್ಯಾ 30 ತಾರಿಕೆರ್ ಸಕಾಳಿಂ ಮಿಸಾ ಉಪ್ರಾಂತ್ ಸಿ| ಸರಿತಾಕ್  ಆದೇವ್ಸ್ ಮಾಗೊನ್ ಮಟ್ವೆಂ ಕಾರ್ಯೆಂ ಚಲವ್ನ್ ವ್ಹೆಲೆಂ. ಹ್ಯಾ ಕಾರ್ಯಾಂತ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ರೋಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ, 21 ಆಯೋಗ್ ಸಂಯೋಜಕ್ ವಿಕ್ಟರ್ ಕುಟಿನ್ಹಾ, ಕೊವೆಂತಾಚಿ ವಡಿಲ್ನ್ ಸಿ| ಲಿಲ್ಲಿ ಪಿಂಟೊ ಆನಿ ಸರ್ವ್ ಫಿರ್ಗಜ್‍ಗಾರಾಂ ಹಾಜರ್ ಅಸ್ಲಲಿ.

2020 ನವೆಂಬರಾಚಾ 11 ತಾರಿಕೆ ಥಾವ್ನ್ ಕ್ರೀಸ್ತ್ ರಾಯಾಕ್ ಸಮರ್ಪಿಲ್ಲ್ಯಾ ಮನೆಲಾ ಫಿರ್ಗಜೆಂತ್ ಅಪ್ಲಿ ನಿಸ್ವಾರ್ಥಿ ಸೆವಾ ದೀವ್ನ್, 4 ವರ್ಸಾಂಚಿ ಪಾವ್ಲಾಂ ಕಾಡ್ನ್ ಕ್ರೀಸ್ತಾಕ್ ಸಾಕ್ಸ್ ಜಾವ್ನ್ ತಿಚೆಂ ಮಿಸಾಂವ್ ವಾವ್ರ್ ಕರ್ನ್ ಮುಖ್ಲ್ಯಾ ಮಿಸಾಂವಾ ಖಾತಿರ್ ಕಾರವಾರ ದಿಯೆಸೆಜಿಕ್ ವೆಚ್ಯಾ ವಗ್ತಾ ತಿಕಾ ವಿಗಾರ್, ಗೊವ್ಳಿಕ್ ಪರಿಷದ್ ಆನಿ ಸರ್ವ್ ಫಿರ್ಗಜ್‍ಗಾರಾಂ ತರ್ಫೆನ್ ಉಲ್ಲಾಸ್ ಪಾಟಯ್ಲೆಂ. ತಶೆಂಚ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಮಾನ್ ಕೆಲೊ. ಸಿ| ಸರಿತಾನ್ ಅಪ್ಲ್ಯಾ ಕಾಳ್ಜಾಂತ್ಲಿಂ ಭೊಗ್ಣಾಂ ಉಚಾರುನ್ ಸರ್ವಾಂಚೊ ಉಪ್ಕಾರ್ ಆಠಯ್ಲೊ.

ವಿಗಾರ್ ಬಾಪಾನಿಂ ತಿಣೆಂ ದಿಲ್ಲ್ಯಾ ಸೆವೆಚೊ ಉಪ್ಕಾರ್ ಭಾವ್ಡುನ್, ಮುಖ್ಲ್ಯಾ ಮಿಸಾಂವಾಂಕ್ ಸರ್ವ್ ಬರೆಂ ಮಾಗ್ಲೆಂ. ಹೆಂ ಕಾರ್ಯೆಂ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಫಿಲೋಮಿನಾ ಡಿಸೋಜನ್ ಚಲವ್ನ್ ವ್ಹೆಲೆಂ.