ಜನವರಿ 25, 2026

25/01/2026 ಚಾ ಅಯ್ತಾರಾ ಪವಿತ್ರ್ ಪುಸ್ತಕ್ ಆಯೋಗಾಚಾ ಮುಖೆಲ್ಪಣಾಖಾಲ್ ದೆವಾಚಾ ಉತ್ರಾಚೊ ಆಯ್ತಾರ್ ಆಚರಣ್ ಕೆಲೊ. ಸಕಾಳಿಂ 7.30 ವರಾರ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸಾಂನಿಂ  ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಮಿಸಾಚಾ ಪ್ರವೇಶ್ ಪುರ್ಶ್ಯಾಂವಾರ್ ವಿಗಾರ್ ಬಾಪಾಂನಿ  ಪವಿತ್ರ್ ಪುಸ್ತಕ್ ಹಾಡ್ನ್ ಮಾನಾಚಾ ಜಾಗ್ಯಾರ್ ದವರ್ನ್, ಫುಲಾಂಚೊ ತುರೊ ಘಾಲ್ನ್ ದುಂಪವ್ನ್ ಪವಿತ್ರ್ ಪುಸ್ತಕಾಕ್ ಮಾನ್ ಕೆಲೊ. ಸಾಂ ಪಾವ್ಲ್ ನ್ ಕೊಲೊಸ್ಸೆ ಗಾರಾಂಕ್ ಬರಯ್ಲ್ಯಾ ಪತ್ರಾಂತ್ ಅವಸ್ವರ್ 3, ವಾಕ್ಯ್ 16 ಉತ್ರಾಂ "ಕ್ರಿಸ್ತಾಚೆ ಉತರ್ ತುಮ್ಬೆಂ ಮಧೆಂ ವಸ್ತಿ ಕರ್ತ" ಮ್ಹಳ್ಳ್ಯಾ ಧ್ಯೇಯ್ ವಾಕ್ಯಾಖಾಲ್ ದೆವಾಚಾ ಉತ್ರಾಚೊ ಅಯ್ತಾರ್ ಆಚರಣ್ ಕೆಲೊ. ದೆವಾಚಿ ಉತ್ರಾಂ ಅಲ್ತಾರಿ ಮುಖಾರ್ ಬರವ್ನ್ ಫಾಲ್ನ್, ಸರ್ವಾಂಕ್ ದೆವಾಚೆ ಉತರ್ ವಾಚುಂಕ್ ಪ್ರೇರೇಪಿತ್ ಕೆಲೆಂ. 

ಪ್ರವಚನ ಉಪ್ರಾಂತ್ ನಮಿಯಾರ್ಲ್ಯಾ ಸಾಂದ್ಯಾಂಕ್ ವಿಗಾರ್ ಬಾಪಾಂನಿಂ ಪವಿತ್ರ್ ಪುಸ್ತಕ್ ವಾಂಟ್ಚಿ ರೀತ್ ಚಲವ್ನ್ ವ್ಹೆಲಿ. ದಿಸ್ಪಡ್ತೆಂ ಪವಿತ್ರ್ ಪುಸ್ತಕ್ ಹರ್ಯೆಕ್ಲ್ಯಾಂನಿಂ ವಾಚುಂಕ್ ವಿಗಾರ್ ಬಾಪಾಂನಿಂ ಉಲೊ ದಿಲೊ. ಅಶೆಂ ಅಯೋಗ್  ಸಂಯೋಜಕಿ ಫಿಲೋಮಿನಾ ಡಿಸೋಜ ಆನಿ ಸಂಚಾಲಕಿ ಸಿಸ್ಟರ್ ಲಿಲ್ಲಿ ಪಿಂಟೊಚಾ ಮುಖೆಲ್ಪಣಾಖಾಲ್ ಪವಿತ್ರ್ ಪುಸ್ತಕ್ ಆಯೋಗಾಚಾ ಸಾಂದ್ಯಾಂನಿಂ ಎಕಾಮೆಕಾ ಸಹಕಾರ್ ದೀವ್ನ್ ದೆವಾಚಾ ಉತ್ರಾಚೊ ಅಯ್ತಾರ್ ಸಂಭ್ರಮ್ಲೊ.