ಜುಲೈ 26, 2026

ಕ್ರಿಸ್ತ್ ರಾಯ್ ಫಿರ್ಗಜ್ ಮನೆಲಾ YCS ಘಟಕಾಚ ಸಾಂಧ್ಯಾನಿ ಜುಲೈ ಮಹಿನ್ಯಾಚ 26 ತಾರಿಕೆರ್ ಮಾಲ್ಗ್ಡ್ಯಾಂಚೊ ದೀಸ್ ಆಚರಣ್ ಕೆಲೊ. ವಿಗಾರ್ ಮಾನಾಧಿಕ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾಂಚ ಮಾರ್ಗದರ್ಶನ ಖಾಲ್ ಸಗ್ಳೆಂ ಕಾರ್ಯೆಂ YCS ಭುರ್ಗ್ಯಾಂನಿ ಚಲವ್ನ್ ವ್ಹೆಲೆಂ. ವಿಗಾರ್ ಬಾಪಾಂನಿ ಅಪ್ಲ್ಯಾ ಸಂದೇಶಾಂತ್ " ಹಾಂವ್ ತುಮ್ಕಾ ಸಾಂಡಿಸೊ ನಾ " ಮ್ಹಳ್ಳೊ ಪಾಪಾಚೊ ಇರಾದೊ ಜಾವ್ನಾಸಾ ಮ್ಹಣ್ ವಿವರ್ಸಿಲೆಂ. ಮುಕೆಲ್ ಸಯ್ರಿಂ ಜಾವ್ನ್ ಕ್ರಿಸ್ತ್ ರಾಯ್ ಕೊವೆಂತಾಚಿ ವ್ಹಡಿಲ್ನ್ ಸಿ.ಲಿಲ್ಲಿ ಪಿಂಟೊ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀ ಪ್ರಕಾಶ್ ಮೊಂತೇರೊ, ಕಾರ್ಯದರ್ಶಿ ಶ್ರೀಮತಿ ಪ್ರೆಸಿಲ್ಲಾ ಡಿ ಸೋಜಾ,22 ಆಯೋಗಾಚಿ ಸಂಯೋಜಕಿ ಶ್ರೀಮತಿ ಫಿಲೋಮಿನಾ ಡಿ ಸೋಜಾ ಹಾಜರ್ ಅಸ್ಲಿಂ. YCS ಸಚೇತಕಿ ಶ್ರೀಮತಿ ಶೈಲಾ ಡಿಸೋಜಾ ಹಾಣಿಂ ಅಪ್ಲ್ಯಾ ಉಲೊವ್ಪ್ಯಾಂತ್ " ಮಾಲ್ಗಾಡಿಂ ಸಂಪ್ರಾದಾಯಿ, ಸಂಸ್ಕೃತಿಚೊ ಭಂಡಾರ್ ಜಾವ್ನಾಸಾತ್,ಅಭಾ - ಮಾಂಯ್ಚೊ ಮೋಗ್ ಕರ್ಯಾಂ ಮ್ಹಣ್ ಭುರ್ಗ್ಯಾಂಕ್ ಸಮ್ಜೊಣಿ ದಿಲಿ. 

ವಿಗಾರ್ ಬಾಪಾಂನಿ ಖೆಳಾಂತ್ ಜಿಕ್ಲ್ಯೆಲ್ಯಾಂಕ್ ಇನಾಮಾ ವಾಂಟ್ಲಿ ಆನಿ ಸರ್ವ್ ವ್ಹಡಿಲಾಂಕ್ ಉಗ್ಡಾಸಾಚಿ ಕಾಣಿಕ್ ದಿಲಿ. ಸ್ವೀಡಲ್ ಡಿಸೋಜನ್ ವ್ಹಡಿಲಾಂಕ್ ಖೇಳ್ ಚಲವ್ನ್ ವ್ಹೆಲೆಂ. YCS ಅಧ್ಯಕ್ಷ್ ಕ್ಲೇವಿನ್ ಪೆರಾವೊನ್ ಸ್ವಾಗತ ಕೆಲ್ಲೊ. ಸ್ವೀಡಲ್ ಅನಿ ಡ್ಯಾಫ್ನಿ ಡಿ ಸೋಜಾನ್ ಪ್ರಾರ್ಥನಾ ಗೀತ್ ಗಾಯ್ಲೆಂ. ವಿಯೊಲಾ ಮೊಂತೇರೊನ್ ಧನ್ಯವಾದ್ ದಿಲೆಂ. ಕ್ರಿಸ್ಟಲ್ ಮೊಂತೇರೊನ್ ವೆದಿ ಕಾರ್ಯೆಂ ಚಲವ್ನ್ ವ್ಹೆಲೆಂ. ಶ್ರೀಮತಿ ಶೈಲಾ ಡಿಸೋಜಾ ಹಾಣಿಂ ಇನಾಮಾ ಪ್ರಾಯೋಜಿತ್ ಕೆಲ್ಲಿಂ. ಕ್ಲೆವಿನ್ ಪೆರಾವೊ ಅನಿಂ ಲಿರಿಷಾ ಡಿ ಸೋಜಾ ಕುಟ್ಮಾಚಾನಿ ಕಾಫಿ-ಫಳ್ಹಾರಾಚಿ ವೆವಸ್ತಾ ಕೆಲ್ಲಿ. ಕುಟ್ಮಾ ಆಯೋಗ್ ಸಂಚಾಲಕ್ ಶ್ರೀ ಸಿಪ್ರಿಯಾನ್ ಮೊಂತೇರೊ ಅನಿ ಸಾಂಧ್ಯಾನಿ ಸಹಕಾರ್ ದಿಲೊ.