ಫೆಬ್ರವರಿ  02, 2025

ಕ್ರೀಸ್ತ್ ರಾಯ್ ಫಿರ್ಗಜ್ ಮನೆಲ ಭಾಗೆವಂತ್ ಕುಟ್ಮಾಂ ವಾಡ್ಯಾಗಾರಾಂಚೆ ಫೆಸ್ತ್ ಫೆಬ್ರವರಿ ಮಹಿನ್ಯಾಚ್ಯಾ 02 ತಾರಿಕೆರ್ ಮಾನೆಸ್ತಿಣ್ ಲೀನಾ ಟೆಲ್ಲಿಸ್ ಕೊಚ್ಚಿ ಹಾಂಚ್ಯಾ ಘರಾ ಸಾಂಜೆರ್ 5.00 ವರಾರ್ ಆಚರಣ್ ಕೆಲೆಂ. ಹ್ಯಾ ಫೆಸ್ತಾ ಸಂದರ್ಬರ್ ವಿಗಾರ್ ಬಾಪ್ ಮಾನಾಧಿಕ್ ಸ್ಟಾನಿಸ್ಲಾಸ್ ರೊಡ್ರಿಗಸ್ ಸವೆಂ 22 ಕುಟ್ಮಾಂ ಥಾವ್ನ್ 54 ಸಾಂದೆಂ ಹಾಜರ್ ಆಸ್ಲೆಂ. ಸುರ್ವೆರ್ ಪವಿತ್ರ್ ಪುಸ್ತಕಾಕ್ ಮಾನ್ ಕರ್ನ್ ಮಾಗ್ಣ್ಯಾ ವಿಧಿಂ ಪ್ರಾರಂಭ್ ಕೆಲಿಂ. ಉಪ್ರಾಂತ್ ಗ್ರೂಪ್ ಫೊಟೊ ಕಾಡ್ನ್ ವಿವಿಧ್ ಖೆಳ್ ಮಿಥುನ್ ಆನಿ ಸ್ಯಾಮ್ಸನ್ ಹಾಣಿಂ ಚಲವ್ನ್ ವ್ಹೆಲೆಂ. ಸಾಂಸ್ಕೃತಿಕ್ ಕಾರ್ಯೆಂ ವಾಡ್ಯಾಗಾರಾಂನಿ ಮಾಂಡುನ್ ಹಾಡ್ಲೆಂ. ಹ್ಯಾ ಸಾಂಸ್ಕೃತಿಕ್ ಕಾರ್ಯಾಂತ್ ಲ್ಹಾನಾಂ ಥಾವ್ನ್ ವ್ಹಡಾನಿಂ ಸಕ್ರೀಯ್ ರಿತಿನ್ ಭಾಗ್ ಘೆತ್ಲೊಂ. ಕಾರ್ಯದರ್ಶಿಚೆಂ  ವಿಂಚೊವ್ಣ್  ಚಲವ್ನ್ ವ್ಹೆಲೆಂ. 

ವೆದಿ ಕಾರ್ಯಾಚೆರ್ ವಿಗಾರ್ ಬಾಪ್ ಮಾ| ಸ್ಟಾನಿಸ್ಲಾಸ್ ರೊಡ್ರಿಗಸ್, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಆನಿ ಪ್ರತಿನಿಧಿ ರೋಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕ್ ಜೇಮ್ಸ್ ಟೆಲ್ಲಿಸ್, 21 ಆಯೋಗಾಚೊ ಸಂಚಾಲಕ್ ವಿಕ್ಟರ್ ಕುಟಿನ್ಹಾ, ವಾಡ್ಯಾಚೆ ಗುರ್ಕಾರ್ ಪೀಟರ್ ಡಿಸೋಜ, ಕ್ಸೇವಿಯರ್ ಫೆರಾವೊ, ಎವರೆಸ್ಟ್ ಮೊಂತೇರೊ, ಪ್ರತಿನಿಧಿ ಸುನಿತಾ ಮಾರ್ಸೆಲ್ ಕುಟಿನ್ಹಾ ಹಾಜರ್ ಆಸ್ಲಿಂ. ಜಮ್ಲೆಲ್ಲ್ಯಾ ಸಮೇಸ್ತಾಂಕ್  ಗುರ್ಕಾರಾನ್ ಸ್ವಾಗತ್ ಕೆಲೆಂ. ವಾಡ್ಯಾಚೆ ಕಾರ್ಯದರ್ಶಿ ರೊಸ್ಲಿನ್ ಲಸ್ರಾದೊ ಹಾಣಿ  ವರ್ದಿಂ ವಾಚ್ಲಿಂ. ವಾಡ್ಯಾಂತ್ ಸೆವಾ ದೀವ್ನ್ ಆಸ್ಚ್ಯಾ ಮಾನೆಸ್ತ್ ರೊನಾಲ್ಡ್  ಕುಟಿನ್ಹಾ ಆನಿ ಜಾನೆಟ್ ಟೆಲ್ಲಿಸ್ ಹಾಂಕಾ ಸನ್ಮಾನ್ ಕೆಲೆಂ. ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಫಿಲೋಮಿನಾ ಡಿಸೋಜಾನ್ ಆಪ್ಲಿಂ ಭೊಗ್ಣಾಂ ಉಚಾರ್ಲಿ. ವಿಗಾರ್ ಬಾಪಾಂನಿ ವಾಡ್ಯಾಗಾರಾಂಕ್ ಉದ್ದೇಶಿಸುನ್ ಆಪ್ಲೊ ಸಂದೇಶ್ ದಿಲೊ. ಅಕೇರಿಕ್ ಸುನಿತಾ ಮಾರ್ಸೆಲ್ ಕುಟಿನ್ಹಾನ್ ಧನ್ಯವಾದ್ ಪಾಟಯ್ಲೆಂ. ಜೆವ್ಣಾಂ ಸವೆಂ ಹೆಂ ಕಾರ್ಯೆಂ ಅಕೇರ್ ಕೆಲೆಂ. ಹ್ಯಾ ಫೆಸ್ತಾಚೆಂ ಕಾರ್ಯನಿರ್ವಾಹಣ್ ಜಾನೆಟ್ ಟೆಲ್ಲಿಸ್ ಹಾಣಿಂ ಚಲವ್ನ್ ವ್ಹೆಲೆಂ.