ನಿಮಾಣೊ ಬ್ರೇಸ್ತಾರ್

02 ಎಪ್ರಿಲ್ 2026

ಜೆಜುಚ್ಯಾ ನಿಮಾಣ್ಯಾ ಜೆವ್ಣಾಚೊ ಸಂಭ್ರಮ್ ತಶೆಂಚ್ ಜೆಜುನ್ ಪವಿತ್ರ್ ಎವ್ಕರಿಸ್ತ್ ಘಡ್ಲೊ ಸಂಭ್ರಮ್. ಸಾಂಜೆರ್ 6.00 ವ್ಹರಾಂಕ್ ಮಿಸಾಚೆ ಬಲಿದಾನ್ ಪ್ರಾರಂಭ್ ಜಾಲೆ. ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾಂನಿ ಪವಿತ್ರ್ ಎವ್ಕರಿಸ್ತಾಚೆಂ ಬಲಿದಾನ್ ಭೆಟಯ್ಲೆಂ. ನಿಮಾಣ್ಯಾ ಜೆವ್ಣಾರ್ ಅಪೊಸ್ತಾಲಾಂಚೆ ಪಾಯ್ ಧುವ್ನ್ ನವೊ ಉಪದೆಸ್  ದಿಲ್ಲೆಂ ಘಡಿತ್ ಉಗ್ಡಾಸ್ ಕಾಡ್ನ್ ವಿಗಾರ್ ಬಾಪಾಂನಿ ಅಪೊಸ್ತಲ್ ಜಾವ್ನ್ ವಿಂಚುನ್ ಕಾಡ್ಲೆಲ್ಲ್ಯಾ ಬಾರಾಂ ಸಾಂದ್ಯಾಂಚೆ ಪಾಯ್ ಧುಂವ್ಚೆ ಮಾರಿಫಾತ್ ನವೊ ಉಪದೆಸ್ ಪರ್ಗಟ್ಲೊ. ವಿಗಾರ್ ಬಾಪಾಂನಿ ಪವಿತ್ರ್ ಎವ್ಕರಿಸ್ತ್ ವಿಶೆವಾಚಾ ಆಲ್ತಾರಿರ್ ದವರ್ನ್ ಆರಾಧಾನ್ ಚಲವ್ನ್ ವ್ಹೆಲೆಂ.

ನಿಮಾಣೊ ಸುಕ್ರಾರ್

03 ಎಪ್ರಿಲ್ 2026

ಸೊಮ್ಯಾಂ ಜೆಜುಚೆ ಕಷ್ಟ್ ಆನಿ ಮರಣ್ ನಿಯಾಳ್ಚೊಂ ದೀಸ್. ಸಕಾಳಿಂ 7.30 ವ್ಹರಾಂಕ್ ಸರ್ವ್ ಫಿರ್ಗಜ್ ಗಾರಾಂನಿ ಉಗ್ತ್ಯಾ ಮೈದಾನರ್ ವ್ಹಡಾ ಭಕ್ತಿನ್ ಖುರ್ಸಾಚಿ ವಾಟ್ ಚಲವ್ನ್ ವ್ಹೆಲಿ. ಸಕಾಳಿಂ ಥಾವ್ನ್ 4.00 ವ್ಹರಾಂ ಪರ್ಯಾಂತ್  ನಮಿಯಾರ್ಲೆಲ್ಯಾ ವೆಳಾರ್  ಮೌನ್ ಆರಾಧನ್ ಚಲವ್ನ್ ವ್ಹರುಂಕ್ ಫಿರ್ಗಜ್ ಗಾರಾಂಕ್ ಅವ್ಕಾಸ್ ಕರ್ನ್ ದಿಲೊ. ಸಾಂಜೆಚಾ 4.00 ವ್ಹರಾರ್ ನಿಮಾಣ್ಯಾ ಸುಕ್ರಾರಾಚೆ ಭಕ್ತಿಕ್ ಸೆರೆಮನಿ ವಿಗಾರ್ ಬಾಪಾಂನಿ ಚಲವ್ನ್ ವ್ಹೆಲಿ.

ಅಲ್ಲೆಲುಯಾಚೊ ಸನ್ವಾರ್

4 ಎಪ್ರಿಲ್ 2026

ಸಾಂಜೆರ್ 7.00 ವ್ಹರಾರ್ ಇಗರ್ಜೆ ಮೈದಾನಾರ್ ಉಜ್ವಾಡಾಚಿ ರೀತ್ ಚಲವ್ನ್ ವರ್ನ್ ದೇವ್ ಸ್ತುತಿ ಆರಂಭ್ ಕೆಲಿ. ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾಂನಿ ಜಳ್ಚ್ಯಾ ಉಜ್ಯಾ ಥಾವ್ನ್ ಪಾಸ್ಕಾಂಚಿ ವಾತ್ ಬೆಂಜಾರ್ ಕೆಲಿಂ. ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟವ್ನ್ ಪವಿತ್ರ್ ಉದಾಕ್ ಬೆಂಜಾರ್ ಕೆಲೆಂ. ಪವಿತ್ರ್ ಸ್ನಾನಾಚೊ ಆಂಗಂವ್ಣ್ಯೊ ನವ್ಯಾನ್ ಕೆಲಿ. ಮಿಸಾ ಉಪ್ರಾಂತ್ ಉದಾರ್ ಮನಾಚಾ ದಾನಿನಿ ಆಸಾ ಕೆಲ್ಲೆಂ ಜೆವಾಣ್ ಸರ್ವಾಂನಿ ಸಾಂಗಾತಾ ಮೆಳೊನ್ ಸೆವ್ಲೆಂ.