ಅಕ್ಟೋಬರ್ 19, 2026

ಅಕ್ಟೋಬರ್ ಮಹಿನ್ಯಾಚ 19 ತಾರಿಕೆರ್ ಮನೆಲಾ ಕ್ರಿಸ್ತ್ ರಾಯ್ ಫಿರ್ಗಜೆಂತ್ ಮಿಸಾಂವಾಚೊ ಆಯ್ತಾರ್ ಸಂಭ್ರಮನ್ ಆಚರಣ್ ಕೆಲೊ. ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲ್ಯಾ ವಿಗಾರ್ ಮಾನಾಧಿಕ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾನಿಂ, ಅಪ್ಲ್ಯಾ  ಪ್ರಸಂಗ ವೆಳಾರ್ ಮಿಸಾಂವಾಚೊ ಮಹತ್ವ್ ತಿಳ್ಸಿಲೊ ಉತ್ತರ್ ಭಾರತಚ ಮಿಸಾಂವ್ ವಾವ್ರಾಂತ್ ಮಂಗ್ಳುರ್ ದಿಯೆಸೆಜ್ ಕಶೆಂ ಕುಮೊಕ್ ಕರ್ತಾ ಮ್ಹಣ್ ವಿವರ್ಸಿಲೆಂ. ಕಾಣಿಕೆಚಾ ಪುರ್ಶ್ಯಾಂವಾ ವೆಳಾರ್ ಸರ್ವ್ ಫಿರ್ಗಜ್ಗಾರಾಂನಿ ಅಪ್ಲ್ಯಾ ಶೆತಾ - ಭಾಟಾನಿ ಜಾಲ್ಲ್ಯಾ ವಸ್ತ್ ವೆದಿಚೆರ್ ಸಮರ್ಪಿತ್ ಕೆಲಿ. ಮಿಸಾ ಉಪ್ರಾಂತ್ ಹಾಡ್ಲ್ಯಾ ವಸ್ತುಚಿ ಏಲಂ ಉಗ್ತ್ಯಾ ಮೈದಾನರ್ ಚಲವ್ನ್ ವ್ಹೆಲೆಂ.

ಶ್ರೀ ರೋಶನ್ ಟೆಲ್ಲೀಸ್, ಸಿರಿಲ್ ಪೆರಾಂವ್, ಪೀಟರ್ ಡಿಸೋಜ ಹಾಣಿಂ ಏಲಂ ಚಲವ್ನ್ ವ್ಹೆಲೆಂ. ಬೆನೆಡಿಕ್ಟ್ ಡಿಸೋಜಾ, ಆಲ್ಬರ್ಟ್ ಡಿ ಸೋಜಾ,ಸಿಪ್ರಿಯಾನ್ ಮೊಂತೇರೊ ಹಾಣಿಂ ಸಹಕಾರ್ ದಿಲೊ. ಏಲಾಮಾಚೆಂ ಲೇಖ್ -ಪಾಕ್ ಫಿಲೋಮಿನಾ ಸೋಜ್,ಜಾನೆಟ್ ಟೆಲ್ಲೀಸ್, ಎವರೆಸ್ಟ್ ಮೊಂತೇರೊ ಹಾಣಿಂ ಸಾಂಬಾಳ್ಳೆಂ. ಪರ್ಗಟ್ಣಿ ಆನಿ ಸುವಾರ್ತಾ ಪ್ರಸಾರ್ ಆಯೋಗ್ ಸಂಚಾಲಕ್ ಶ್ರೀ ಕ್ಸೇವಿಯರ್ ಫೆರಾವೊ,ಥಳಾಂತರ್ ಆಯೋಗ್ ಸಂಚಾಲಕಿ ಶ್ರೀಮತಿ ಪ್ರಿಯಾ ವೇಗಸ್ ಹಾಣಿಂ ಸಗ್ಳಿ ಮಾಂಡವಳ್ ಕೆಲ್ಲಿ. ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಶ್ರೀಮತಿ ಪ್ರೆಸಿಲ್ಲಾ ಡಿ ಸೋಜಾ ಉಪಸ್ಥಿತ್ ಅಸ್ಲಿ. ಶ್ರೀ ಅಂಬ್ರೊಸ್ ಮೊಂತೇರೊನ್ ಸಹಕಾರ್ ದಿಲೊ.

ಸಕಾಳಿಂ ಸರ್ವ್ ಫಿರ್ಗಜ್ಗಾರಾಂಕ್ ಕಾಫಿ ಪಳ್ಹಾರಾಚಿ ವೆವಸ್ತಾ ಕೆಲ್ಲಿ. ಸಕಾಳಿಂ 9.30 ವೊರಾಂ ಥಾವ್ನ್ 12.30 ಪರ್ಯಾಂತ್ ಫಿರ್ಗಜ್ಗಾರಾಂನಿ ವ್ಹಡ್ ಹುಮೆದಿನ್ ಏಲಾಮಾಂತ್ ಭಾಗ್ ಘೆತ್ಲೆಂ. ಕಾರ್ಯಾಚ ಅಕ್ರೆಕ್ ಶ್ರೀ ಸಿರಿಲ್ ಪೆರಾಂವ್ ಹಾಣೆಂ ಧನ್ಯವಾದ್ ದಿಲೆಂ.