ಸಪ್ತೆಂಬರ್ 8, 2025

ಸಪ್ತೆಂಬರ್ ಮಹಿನ್ಯಾಚಾ  8 ತಾರಿಕೆರ್ ಕ್ರೀಸ್ತ್ ರಾಯಾಕ್ ಸಮರ್ಪಿಲ್ಲ್ಯಾ  ಮನೆಲಾ ಫಿರ್ಗಜೆಂತ್ ಮೊಂತಿ ಫೆಸ್ತ್ - ಕುಟ್ಮಾಚೆಂ ಫೆಸ್ತ್ ವ್ಹಡಾ ಭಕ್ತಿಪಣಾನ್ ಆನಿ ಸಂಭ್ರಮಾನ್ ಆಚರಣ್ ಕೆಲೆಂ. 9 ದಿಸಾಚೆಂ ನೊವೆನ್ ಕರ್ನ್ ಸಕಾಳಿಂ 7.30 ವರಾರ್ ಮರಿಯೆಚಾ ಗ್ರೊಟ್ಯಾಲಾಗಿಂ ನವೆಂ ಆಶೀರ್ವಚನ್ ಕರ್ನ್ ಬಾಳಕ್ ಮರಿಯೆಕ್ ಫುಲಾಂ ಅರ್ಪುನ್ ಮಾನ್ ಕೆಲೊ. ಉಪ್ರಾಂತ್ ಪುರ್ಶ್ಯಾಂವಾರ್ ವಚೊನ್ ಇಗರ್ಜೆಂತ್ ಫೆಸ್ತಾಚೆ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ವಿಗಾರ್  ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸಾಂನಿ ಭೆಟಯ್ಲೆಂ.

ಫಿರ್ಗಜ್ ಕುಟ್ಮಾಚಾ ಚಲಿಯೊ ಆನಿ ಸ್ತ್ರೀಯಾಂನಿ  ಅಪುರ್ಬಾಯೆನ್ ದೇವ್‍ಸ್ತುತಿ ಚಲವ್ನ್ ವ್ಹೆಲಿಂ. ಆಟ್ವಿ ಥಾವ್ನ್ ವೈ.ಸಿ.ಯಸ್  ಚಲಿಯಾಂನಿ ಗಾಯನ್ ಕೆಲೆಂ. ಫಿರ್ಗಜ್‍ಗಾರಾಂನಿ ವ್ಹಡಾ ಸಂಖ್ಯಾನ್ ಭಕ್ತಿಪಣಾನ್ ಫೆಸ್ತಾಚಾ ಮಿಸಾಂತ್ ವಾಂಟೊ ಘೆತ್ಲೊ. ಫೆಸ್ತಾಕ್ ಮುಡ್ದೊಮ್ ಆನಿ ಪ್ರಯೋಜಕ್ ಜಾಲ್ಲ್ಯಾಂಕ್ ವಾತಿ ವಾಂಟುನ್ ಮಾನ್ ಕೆಲೊ. ಗೊವ್ಳಿಕ್ ಪರಿಷದೆಚಾ ಸಾಂದ್ಯಾಂನಿ ಫಿರ್ಗಜ್‍ಗಾರಾಂಕ್ ಬೆಂಜಾರ್ ಕೆಲ್ಲ್ಯೊ ಕಣ್ಶೊಂ ವಾಂಟ್ಲ್ಯೊ.  ಮಿಸಾಂ ಉಪ್ರಾಂತ್ ಸರ್ವ್ ಫಿರ್ಗಜ್‍ಗಾರಾಂಕ್  ವೊರ್ನ್ ಸ್ತ್ರೀ ಸಂಘಟನಾಚಾ ಸಾಂದ್ಯಾಂನಿ ತಶೆಂಚ್ ಕೊಬು ಕಥೊಲಿಕ್ ಸಭಾ ಆನಿ  ಐ ಸಿ ವೈ ಯಂ ಚಾ ಸಾಂದ್ಯಾಂನಿ ವಾಂಟ್ಲೊ.

ಫೆಸ್ತಾಚಾ ಅದ್ಲ್ಯಾ ದಿಸಾ ಐ ಸಿ ವೈ ಯಂ ಸಾಂದ್ಯಾಂನಿ ಫುಲಾಂಚಿ ವಾಝ್ ಸ್ಫರ್ದೊ ಅನಿ ಫೆಸ್ತಾಚಾ ಮಿಸಾಚಾ ಸುರ್ವೆರ್  ವೈ.ಸಿ.ಯಸ್  ಭುರ್ಗ್ಯಾಂನಿ ಫುಲಾಂಚಿಂ ಬೊಶಿ ಸೊಭಂವ್ಚೊ ಸ್ಪರ್ಧೊ ಚಲವ್ನ್ ವ್ಹೆಲೊ. ಅಶೆಂ ಮೊಂತಿ ಫೆಸ್ತ್ ವ್ಹಡಾ ದಬಾಜಾನ್ ಆಚರಣ್ ಕೆಲೆಂ. ಫೆಸ್ತಾ ಸಂಧರ್ಭಿಂ ವೈ.ಸಿ.ಯಸ್  ಚಾ ಮುಖೆಲ್ಪಣಾಖಾಲ್ ಕುಟ್ಮಾಂತ್ ನವೆಂ ಜೆಂವ್ಚೆಂ ಆನಿ ನಕ್ಲಿ ನೆಸ್ಣಾಂ ತಸ್ವಿರ್ ಸ್ಪರ್ಧೊ ಚಲವ್ನ್ ವ್ಹೆಲೊ.