ಸಪ್ತೆಂಬರ್ 29, 2024

ಕ್ರೀಸ್ತ್ ರಾಯ್ ವಾಡ್ಯಾಂತ್ ಮೊಂತಿ ಫೆಸ್ತ್  ಸಪ್ತೆಂಬರ್  29 ತಾರೀಕೆರ್ ಆಯ್ತಾರಾ ದಿಸಾ ಸಾಂಜೆರ್ 4.30 ವೊರಾರ್ ಮಾನೆಸ್ತ್ ಹಿಲಾರ್ ಡಿ ಸೋಜ ಕಲ್ಲಾಜೆ ಹಾಂಚಾ ಘರಾ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಹ್ಯಾ ಸಂಭ್ರಮಾಕ್ ಕ್ರೀಸ್ತ್ ರಾಯ್ ಫಿರ್ಗಜೆಚೆ ವಿಗಾರ್ ಮಾನಾದಿಕ್ ಬಾಪ್ ಸ್ಟ್ಯಾನಿಸ್ಲಸ್ ರೊಡ್ರಿಗಸ್,  ಕ್ರೀಸ್ತ್ ರಾಯ್ ಕೊವೆಂತಾಚಿ ವಡಿಲ್ನ್ ಸಿಸ್ಟರ್ ಸರಿತಾ ಡಿ ಸೋಜ ಆನಿ ಸಿಸ್ಟರ್ ಸುಶ್ಮಿತಾ ಡಿ ಸೋಜ, ವಾಡ್ಯಾಚೆ ಗುರ್ಕಾರ್ ಕ್ಸೇವಿಯರ್ ಫೆರಾವೊ, ಪ್ರತಿನಿಧಿ ರೋಬರ್ಟ್ ಡಿ ಸೋಜ ಆನಿ ಮೆಟಿಲ್ಡಾ ಡಿ ಸೋಜ,  ವಾಡ್ಯಾಚಿ ಕಾರ್ಯದರ್ಶಿ ಮೇರಿ ಡಿ ಸೋಜ, ಲ್ಹಾನ್ ಕ್ರೀಸ್ತಾಂವ್ ಸಮುದಾಯಾಚೊ  ಸಂಚಾಲಕ್ ಜೇಮ್ಸ್ ಟೆಲ್ಲಿಸ್ ಆನಿ ವಾಡ್ಯಾಗಾರಾ ಹಾಜರ್ ಆಸ್ಲಿ.  ಹೃತ್ವಿಕ್ ಡಿ ಸೋಜಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಮಾಗ್ಣ್ಯಾವಿಧಿ ಚಲವ್ನ್ ವರ್ನ್  ಬಾಳೊಕ್ ಮರಿಯೆಕ್ ಫುಲಾಂ ಅರ್ಪುನ್ ಮಾನ್ ಕೆಲೊ. ಸರ್ವಾಂಕೀ ಖೆಲ್ ಚಲವ್ನ್ ವ್ಹೆಲೊ. ಮರಿಯೆ ಮಾಯೆ ವಿಶಿಂ ಕ್ವಿಜ್ ಚಾರ್ ಪಂಗಡ್  ಕರ್ನ್ ಚಲವ್ನ್ ವ್ಹೆಲೊ. ವೆದಿ ಕಾರ್ಯಾಂತ್  ಧರ್ಮ್ ಭಯ್ಣ್  ಸರಿತಾ ಹಾಣಿಂ ಉಲವ್ನ್ ಆತ್ಮೀಕ್ ಸಂಗ್ತಿಂನಿಂ ಚಡ್   ಮಹತ್ವ್ ದೀಂವ್ಕ್  ಉಲೊ ದಿಲೊ. ಫಿರ್ಗಜ್ ಸಂಚಾಲಕ್ ಜೇಮ್ಸ್ ಟೆಲ್ಲೀಸಾನ್ ಉಲವ್ನ್ ವಾಡ್ಯಾಗಾರಾಂಚ್ಯಾ ಎಕ್ವಾಟಾಕ್ ಶಾಭಾಷ್ಕಿ ಪಾಟಾಯ್ಲಿ. ವಿಗಾರ್ ಬಾಪಾನಿ ಅಪ್ಲ್ಯಾ ಸಂದೇಶಾಂತ್ ಹರ್ಯೇಕಾ ಸಂಗ್ತಿಂನಿ ವಾಡ್ಯಾಗಾರಾಂಚ್ಯಾ ಮೆತೆರ್ಪಣಾಕ್ ಆನಿ ಸಹಾಕಾರಾಕ್ ಶಾಭಾಷ್ಕಿ ಪಾಟಯ್ಲಿ. ಖೆಳಾಂತ್ ಜಿಕ್ಲೆಲ್ಲ್ಯಾಂಕ್ ಬಹುಮಾನ್ ವಿತರಣ್ ಕೆಲೆಂ. ಅಕ್ರೇಕ್ ವಾಡ್ಯಾಗಾರಾಂನಿ ರಾಂದುನ್ ಹಾಡ್ಲ್ಯಾ ರುಚಿಕ್ ಜೆವ್ಣಾಂ ವರ್ವಿಂ ಸಹಭೋಜನ್ ಕರ್ನ್ ಫೆಸ್ತ್ ಅಖೇರ್ ಕೆಲೆಂ.