ಸಪ್ತೆಂಬರ್ 14, 2025

ಕ್ರೀಸ್ತ್ ರಾಯ್ ವಾಡ್ಯಾಂತ್ ಕುಟ್ಮಾ ಫೆಸ್ತ್ 2025 ಸಪ್ತೆಂಬರ್ ಮಹಿನ್ಯಾಚಾ ಚೊವ್ದಾ ತಾರಿಕೆರ್ ಸಾಂಜೆರ್ 4 ವರಾಂಕ್ ಮಾನೆಸ್ತ್ ಹಿಲಾರ್ ಡಿ ಸೋಜಾ ಅಜೇರು ಹಾಂಚಾ ಘರಾ ವಾಡ್ಯಾಗಾರಾಂನಿ ಅಸಾ ಕೆಲ್ಲ್ಯಾ ಮಟ್ವಾಂತ್ ಆಚರಣ್ ಕೆಲೆಂ. ಹ್ಯಾ ವ್ಹಡಾ ಸಂಭ್ರಮಾಂತ್ ಫಿರ್ಗಜ್ ವಿಗಾರ್ ಮಾ| ಬಾ| ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್, ಕ್ರಿಸ್ತ್ ರಾಯ್ ಕೊವೆಂತಾಚಿ ವ್ಹಡಿಲ್ನ್ ಸಿ| ಲಿಲ್ಲಿ ಪಿಂಟೊ, ಸಿ| ನ್ಯಾನ್ಸಿ ನೊರೊನ್ಹಾ, ಸಿ| ತೆರೆಸಿಯಾ, ಸಿ| ಸುಶ್ಮಿತಾ ಲೋಬೊ, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ರೋಶನ್ ಟೆಲ್ಲಿಸ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಫಿಲೊಮಿನಾ ಡಿ' ಸೋಜಾ, ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಜೇಮ್ಸ್ ಟೆಲ್ಲಿಸ್ ಹಾಜಾರ್ ಅಸ್‍ಲ್ಲೆ. ಹ್ಯಾ ಫೆಸ್ತಾಕ್ 31 ಕುಟ್ಮಾ ಥಾವ್ನ್  96 ಜಣ್ ಹಾಜಾರ್ ಆಸ್ಲೆಂ. ಹ್ಯಾ ಕುಟ್ಮಾ ಫೆಸ್ತಾಕ್ ಗುರ್ಕಾರ್ ಕ್ಸೇವಿಯರ್ ಫೆರಾವೊನ್ ಸರ್ವಾಂಕ್ ಸ್ವಾಗತ್ ಕೆಲೊ.

1. ಪವಿತ್ರ್ ಪುಸ್ತಕಾಕ್ ಮಾನ್ ಅರ್ಪಿಲೊ.

2. ದೇವ್ ಸ್ತುತಿ ಕಾರ್ಯದರ್ಶಿ ಸುಚಿತಾ ಡಿ ಸೋಜಾಚಾ ಮುಖೇಲ್ಪಣಾಖಾಲ್ ಮಾಗ್ಣ್ಯಾವಿಧಿ ಚಲವ್ನ್  ವ್ಹೆಲಿ.

3. ಬಾಳೊಕ್ ಮರಿಯೆಚಿ ಇಮಾಜ್ ವಿಗಾರ್ ಬಾಪಾಂನಿ ಬೆಂಜಾರ್ ಕೆಲಿಂ.

4. ಬಾಳೊಕ್ ಮರಿಯೆಕ್ ಭುರ್ಗ್ಯಾಂನಿ ಆನಿಂ ವ್ಹಡಾಂನಿ ಫುಲಾಂ ಅರ್ಪುನ್ ಮಾನ್ ಕೆಲೊ.

5. ವೈ.ಸಿ.ಯಸ್ ಸಾಂದ್ಯಾಂನಿ ಸಚೇತಕ್ ಪ್ರೀತಮ್ ಡಿ ಸೋಜಾಚಾ ಮುಖೇಲ್ಪಣಾಖಾಲ್  ಮನೋರಂಜನ್ ಭರಿತ್ ಖೆಲ್ ಚಲಯ್ಲೆ.

6. ಕ್ರೀಸ್ತ್ ರಾಯ್ ಕೊವೆಂತಾಚಾ ಧರ್ಮ್ ಭಯ್ಣ್ಯಾಂನಿ ಮರಿಯಾಲ್ ಕ್ವಿಜ್ ಚಲವ್ನ್ ವ್ಹೆಲೊ. 

7. ವೆದಿ ಕಾರ್ಯಾಂತ್ ಖೆಳಾಂನಿ ಜಿಕ್‍ಲ್ಲ್ಯಾಂಕ್ ಮುಖೆಲ್ ಸಯ್ರ್ಯಾಂನಿ ಇನಾಮಾ ವಾಂಟುನ್ ಸಂದೇಶ್ ದಿಲೊ.

8. ವಿಗಾರ್ ಬಾಪಾಂನಿ ಅಪ್ಲ್ಯಾ ಸಂದೇಶಾಂತ್ ವಾಡ್ಯಾಂತ್ ಆನಿಂ ಫಿರ್ಗಜೆಂತ್ ಕ್ರೀಸ್ತ್ ರಾಯ್ ವಾಡ್ಯಾಗಾರಾಂಚಾ ಸಹಕಾರಾಕ್ ಶಾಭಸ್ಕಿ ಪಾಟಯ್ಲೊ. ಮರಿಯೆ ಮಾಯೆಚೊ ಅದರ್ಶ್ ಘೆವ್ನ್ ಜಿವಿತ್ ಭಾಂಧುನ್ ಹಾಡುಂಕ್ ಉಲೊ ದಿಲೊ.

9. ವಾಡ್ಯಾಚೊ ಪ್ರತಿನಿಧಿ ರೋಬರ್ಟ್ ಡಿ ಸೋಜಾನ್ ಸರ್ವಾಂಕ್ ಧನ್ಯಾವಾದ್ ಪಾಟಯ್ಲೊ. 

10. ವಾಡ್ಯಾಗಾರಾಂನಿ ರಾಂದುನ್ ಹಾಡ್‍ಲ್ಲೆ ಜೆವಾಣ್ ಸಕ್ಕಡ್ ಸಾಂಗಾತಾ ಮೆಳೊನ್ ಜೆವ್ಲ್ಯಾಂವ್.