ಸಪ್ತೆಂಬರ್ 28, 2025

ಭಾಗೆವಂತ್ ಕುಟ್ಮಾ ವಾಡ್ಯಾಗಾರಾಂನಿ ಸಪ್ತೆಂಬರ್ 28 ತಾರಿಕೆರ್ ಸಾಂಜೆರ್ 4.00 ವೊರಾರ್ ಶ್ರೀಮಾನ್ ಫೆಲಿಕ್ಸ್ ಟೆಲ್ಲಿಸ್ ಬಡೆಕನಡ್ಕ‌ ಹಾಂಚಾ ಘರಾ ಮೊಂತಿ ಫೆಸ್ತ್  ಆಚರಣ್ ಕೆಲೆಂ.   ಹ್ಯಾ ಫೆಸ್ತಾಕ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್,  ಕೊವೆಂತಾಚಿ ಧರ್ಮ್ ಭಯ್ಣಿಂ ಸಿl ಲಿಲ್ಲಿ ಪಿಂಟೊ‌‌‌ ,‌ ಸಿlತೆರೆಜಾ , ಸಿlನ್ಯಾನ್ಸಿ ,‌ ಸಿl ಸುಶ್ಮಿತಾ, ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ‌ ಫಿಲೊಮಿನಾ ಡಿಸೋಜ‌ ,‌ ಹಾಂಚಾ‌ ಸವೆಂ  17 ಕುಟ್ಮಾ ಥಾವ್ನ್ 44 ಸಾಂದೆಂ ಹಾಜಾರ್ ಆಸ್ಲೆಂ .  ಕಾರ್ಯ ನಿರ್ವಾಹಕ್ ಜಾವ್ನ್  ಲೀಮಾ‌ ಡಿಸೋಜ  ಕಾರ್ಯ ನಿರ್ವಾಹಣ್ ಕೆಲೆಂ.  ಗುರ್ಕಾರ್ ಎವರೆಸ್ಟ್ ಮೊಂತೆರೊ  ಹಾಜಾರ್ ಆಸ್ಲ್ಯಾ  ಸರ್ವಾಂಕ್ ಸ್ವಾಗತ್ ಕೆಲೆಂ.

ವೀಣ ಡಿಸೋಜ ಹಾಂಚಾ ಮುಖೆಲ್ಪಣಾಖಾಲ್‌ ಮಾಗ್ಣ್ಯಾವಿಧಿಂ  ಚಲವ್ನ್ ವ್ಹೆಲಿಂ. ಬಾಳೊಕ್ ಮರ್ಯೆಕ್ ಮಾನ್ ಕರ್ನ್‌ ಭುರ್ಗ್ಯಾಂನಿ ತಶೆಂಚ್ ವ್ಹಡಾಂನಿ ಫುಲಾ‌ ಅರ್ಪಿಲಿ. ಗುರ್ಕಾರಾನ್ ಸರ್ವಾಂಕ್ ನೊವೆಂ ಭಾತ್‌ ವಾಂಟ್ಲೆಂ. ಬೆಂಜಾರ್ ಕೆಲ್ಲೆ ನೊವೆಂ ವೊರ್ನಾ ಸವೆಂ ಸೆಂವ್ಲೆಂ. 

ಉಪ್ರಾಂತ್ ರಾಜೇಶ್ ಟೆಲ್ಲಿಸಾನ್ ಖೆಳ್ ಚಲವ್ನ್ ವ್ಹೆಲೆಂ . ಹ್ಯಾ ಖೆಳಾಂತ್ ಸರ್ವಾಂನಿ ಸಕ್ರಿಯ್ ರಿತಿನ್ ಭಾಗ್ ಘೆತ್ಲೊ. ಉಪ್ರಾಂತ್ ವೆದಿ ಕಾರ್ಯೆ ಚಲವ್ನ್ ವ್ಹೆಲೆಂ. ವೆದಿಚೆರ್ ವಿಗಾರ್ ಬಾಪ್ ,‌ಧರ್ಮ್ ಭಯ್ಣಿಂ, ಆಯೋಗಚೊ‌ ಸಂಚಾಲಕ್, ಗೊವ್ಳಿ ಪರಿಷದ್ ಕಾರ್ಯದರ್ಶಿ‌, ಗುರ್ಕಾರ್, ವಾಡ್ಯಾಚೆಂ ಪ್ರತಿನಿಧಿ,‌ ಕಾರ್ಯದರ್ಶಿ‌,  ಹಾಣಿಂ ವೆದಿಚೆರ್ ಆಸೊನ್‌ ವೆದಿಂ ಸೊಬಯ್ಲಿಂ.  ಖೆಳಾಂತ್ ಜಿಕ್ಲ್ಯಾಂಕ್ ಇನಾಮಾ ವಾಂಟ್ಲಿ ಆನಿ ವಿಗಾರ್‌ ಬಾಪಾಂನಿ ಆಪ್ಲೊ ಸಂದೇಶ್ ದಿಲೊ. ಉಪ್ರಾಂತ್ ವಿಕ್ಟರ್ ಕುಟಿನ್ಹಾ  ಧನ್ಯವಾದ್ ಪಾಠಯ್ಲೆ. ತಶೆಂಚ್ ವಿಗಾರ್ ಬಾಪಾಂನಿ ಜೆವ್ಣಾಚೆರ್‌ ಆಶೀರ್ವಾದ್ ಮಾಗ್ಲೆಂ. ಸರ್ವಾಂನಿ ಎಕಾ‌ ಕುಟ್ಮಾಚೆಂ ಸಾಂದೆ ಜಾವ್ನ್ ಜೆವಾಣ್ ಸ್ವೀಕಾರ್ ಕರ್ನ್‌ ಕಾರ್ಯೆ ಸಂಪಯ್ಲೆಂ.