ಸಪ್ತೆಂಬರ್  21, 2024

ವಾಡ್ಯಾಂತ್ ಮೊಂತಿ ಫೆಸ್ತ್ ಆಚರಣ್ ಭಾಗೆವಂತ್ ಕುಟಾಮ್ ವಾಡ್ಯಾಂತ್ 21 ಸಪ್ತೆಂಬರ್ ಆಯ್ತಾರಾ ದಿಸಾ ಸಾಂಜೆರ್ 5.00 ವೊರಾರ್ ಮಾನೆಸ್ತ್ ಎವರೆಸ್ಟ್ ಮೊಂತೇರೊ ಮಣಿಲ ಹಾಂಚಾ ಘರಾ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೆಂ. ಹ್ಯಾ ಸಂಭ್ರಮಾಕ್ ಕ್ರೀಸ್ತ್ ರಾಯ್ ಫಿರ್ಗಜೆಚೊ ವಿಗಾರ್ ಮಾನಾದಿಕ್ ಬಾಪ್ ಸ್ಟ್ಯಾನಿಸ್ಲಸ್ ರೊಡ್ರಿಗಸ್, ಕೊವೆಂತಾಚಿ ಧರ್ಮ್ ಭಯ್ಣ್  ಸಿಸ್ಟರ್ ಸರಿತಾ ಆನಿ ಸಿಸ್ಟರ್ ಪ್ರವಿಟಾ, ವಾಡ್ಯಾಚೊ ಗುರ್ಕಾರ್ ಎವರೆಸ್ಟ್ ಮೊಂತೇರೊ, ಪ್ರತಿನಿಧಿ ರೋಶನ್ ಟೆಲ್ಲಿಸ್ ಆನಿ ಸುನಿತಾ ಕುಟಿನ್ಹಾ, 21 ಆಯೋಗ್ ಸಂಚಾಲಕ್ ವಿಕ್ಟರ್ ಕುಟಿನ್ಹಾ, ಲ್ಹಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕ್ ಜೇಮ್ಸ್ ಟೆಲ್ಲಿಸ್, ವಾಡ್ಯಾಚಿ ಕಾರ್ಯದರ್ಶಿ ರೊಸ್ಲಿನ್ ಲಸ್ರಾದೊ ಆನಿ ಸರ್ವ್ ವಾಡ್ಯಾಗಾರಾ ಹಾಜರ್ ಆಸ್ಲಿ. ಭುರ್ಗ್ಯಾನಿಂ ಆನಿ ವ್ಹಡಾಂನಿ ಬಾಳೊಕ್ ಮರಿಯೆಕ್ ಫುಲಾಂ ಅರ್ಪುನ್ ಮಾನ್ ಕೆಲೊ. ಸರ್ವಾಂಕ್ ಲ್ಹಾನ್ ಲ್ಹಾನ್ ಗೇಮ್ಸ್ ಖೆಳೊನ್ ಇಲ್ಲೊ ಸೊಂತೊಸ್ ಜೊಡ್ಲೊ. ವೇದಿ ಕಾರ್ಯಂತ್ ವಿಗಾರ್ ಬಾಪ್ ಆನಿ ಧರ್ಮ್ ಭಯ್ಣ್  ಸಿಸ್ಟರ್ ಸರಿತಾ ಹಾಣಿಂ ದೋನ್ ಉತ್ರಾಂ ವೊರ್ವಿ ವಾಡ್ಯಾಗಾರಾಂಕ್ ವಾಡ್ಯಾ ಎಕ್ವೊಟಾಂ ವಿಶಿಂ ತಿಳ್ಸಿಲೆಂ. ಖೆಳಾಂತ್ ಜಿಕ್ಲೆಲ್ಲ್ಯಾಂಕ್ ಬಹುಮಾನ್ ವಿತರಣ್ ಕೆಲೆಂ. ಆಕ್ರೇಕ್ ವಾಡ್ಯಾಗಾರಾಂನಿ ರಾಂದ್ಲ್ಯಾ ರುಚಿಕ್ ಜೆವ್ಣಾಂ ವೊರ್ವಿಂ ಸಹಭೋಜನ್ ಕರ್ನ್ ಫೆಸ್ತ್ ಅಖೇರ್ ಕೆಲೆಂ.