ಸಪ್ತೆಂಬರ್ 15, 2024

ತಾ. 15-09-2024 ಚಾ ಆಯ್ತಾರಾ ಸಾಂಜೆರ್ 4 ವೊರಾರ್ ಬಾಳೊಕ್ ಜೆಜು ವಾಡ್ಯಾಂತ್ ರೈಮಂಡ್ ಮೊಂತೇರೊ ಎರ್ಮೆತಡ್ಕ ಹಾಂಚಾ ಘರಾ ಮೊಂತಿ ಫೆಸ್ತ್ ಆಚರಣ್ ಕೆಲೆಂ. ಆಮ್ಚ್ಯಾ ಫಿರ್ಗಜೆಚೆ ವಿಗಾರ್ ಮಾನಾದಿಕ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್, ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್ ರೋಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೋಮಿನಾ ಡಿ ಸೋಜ, ಕೊವೆಂತಾಚಿ ಧರ್ಮ್ ಭಯ್ಣ್ ಸಿಸ್ಟರ್ ಸರಿತಾ ಆನಿ ಸಿಸ್ಟರ್ ಪ್ರವಿಟಾ ಹಾಜರ್ ಆಸ್‍ಲ್ಲೆ.

ವಾಡ್ಯಾಗಾರಾಂನಿ ಮರ್ಯೆಕ್ ಫುಲಾಂ ಅರ್ಪುನ್ ಮಾನ್ ಕೆಲೊ. ವಾಡೊ ಏಕ್ ಕುಟಾಮ್ ಮ್ಹಣ್ ಸಾಂಗಾತಾ ಮೆಳೊನ್ ನವೆಂ ಸೆವ್ಲ್ಯಾಂವ್. ವಾಡ್ಯಾಗಾರಾಂನಿ  ಮರ್ಯೆಕ್ ಗೀತ್‍ಗಾವ್ನ್ ಮಾನ್ ಕೆಲೊ. ವಾಡ್ಯಾಂತ್ ನವ್ಯಾ ಗುರ್ಕಾರಾಚಿ ವಿಂಚವ್ಣ್ ಕೆಲಿಂ. ಪೀಟರ್ ಡಿ ಸೋಜ ಗುರ್ಕಾರ್ ಜಾವ್ನ್ ನೇಮಕ್ ಜಾಲೊ. ವಿಗಾರ್ ಬಾಪಾನಿ ಫುಲಾಂಚೊ ತುರೊ ದೀವ್ನ್ ನವ್ಯಾ ಗುರ್ಕಾರಾಕ್ ವಾಡ್ಯಾಗಾರಾಂ ತರ್ಫೆನ್ ಉಲ್ಲಾಸ್ ಪಾಟಯ್ಲೆಂ. ಪ್ರಸ್ತುತ್ ಗುರ್ಕಾರ್ ಅಲ್ಫೊನ್ಸ್ ಮೊಂತೇರೊಕ್ ಧಿನ್ವಾಸ್ ಪಾಟಯ್ಲೆಂ.

ಪ್ರೀಯಾ ಡಿ ಸೋಜ ಆನಿ ಶೈಲಾ ಡಿ ಸೋಜನ್ ಮನೋರಂಜನಾ ಖಾತಿರ್ ವಿವಿಧ್ ಖೆಳ್ ಚಲವ್ನ್ ವ್ಹೆಲೆಂ. ಉಪ್ರಾಂತ್ ಜಿಕ್ಲ್ಯಾಂಕ್ ಇನಾಮಾಂ ವಾಂಟ್ಲಿಂ. ವಾಡ್ಯಾಗಾರಾಂನಿ ರಾಂದುನ್ ಹಾಡ್ಲಿ ವಿವಿಧ್ ಖ್ಹಾಣಾಂ ಸವೆಂ ಸಾಂಗಾತಾ ಮೆಳೊನ್ ಫೆಸ್ತಾಚೆ ಜೆವಣ್ ಸೆವ್ಲ್ಯಾಂವ್. ವಾಡ್ಯಾಚೊ ಗುರ್ಕಾರ್ ಅಲ್ಫೊನ್ಸ್ ಮೊಂತೇರೊನ್ ಸರ್ವಾಂಕ್ ಸ್ವಾಗತ್ ಕೆಲೊ. ಜೆಸ್ವಿಟಾ ಮೊಂತೇರೊನ್ ಮಾಗ್ಣ್ಯಾಂ ವಿಧಿ ಚಲವ್ನ್ ವ್ಹೆಲಿಂ. ಸಾವಿಯಾ ಪ್ರೀಶಲ್ ಡಿ ಸೋಜನ್ ಕಾರ್ಯೆಂ ಚಲವ್ನ್ ವ್ಹೆಲೆಂ ಆನಿ ವಾಡ್ಯಾಚೊ ಕಾರ್ಯದರ್ಶಿ ಲಿಯೊ ಡಿ ಸೋಜನ್ ಧನ್ಯವಾದ್ ಪಾಟಯ್ಲೆಂ.