ಸಪ್ತೆಂಬರ್ 21, 2025

21.09.2025 ವ್ಯಾ ಆಯ್ತಾರಾ ಸಾಂಜೆರ್ 4.00  ವರಾರ್ ಮಾನೇಸ್ತ್ ಪ್ರಕಾಶ್ ಮೊಂತೇರೊಚ್ಯಾ ಘರಾಂ ವಿಗಾರ್ ಬಾಪ್, ಧಾರ್ಮಿಕ್ ಭಯ್ಣಿಂ ಆನಿ ವಾಡ್ಯಾಗಾರಾ ಸಾಂಗಾತಾ ಮೆಳೊನ್ ವಾಡ್ಯಾಂತ್ ಮೊಂತಿ ಫೆಸ್ತ್ ಆಚರಣ್ ಕೆಲೆಂ. 

ಪವಿತ್ರ್ ಬೈಬಲಾಕ್ ಮಾನ್ ಕರ್ನ್ ಮೊಂತಿ  ಮಾಯೆಚೆ ನೊವೆನ್ ಕರ್ನ್, ಫುಲಾಂ ಅರ್ಪುನ್ ವಾಡ್ಯಾಗಾರಾ ಸಾಂಗಾತಾ ಮೆಳೊನ್ ನೊವೆಂ ವಾರ್ನಾಕ್ ಫಾಲ್ನ್ ಸೆವ್ಲ್ಯಾಂವ್. ಐ . ಸಿ. ವೈಯಂ ಸಾಂದ್ಯಾಂನಿ ಖೆಳ್ ಖೆಳೊಂವ್ನ್ ಮನೋರಂಜನ್ ಕಾರ್ಯೆ ಚಲವ್ನ್ ವೆಲೆಂ. ಉಪ್ರಾಂತ್ ಸಿ| ಸುಶ್ಮಿತಾ ಹಾಣಿಂ ಮರಿಯಾಳ್ ಕ್ವಿಜ್ ಚಲವ್ನ್ ವೆಲೆಂ. ಉಪ್ರಾಂತ್ ವೆದಿಕಾರ್ಯಾಂತ್ ವಿಗಾರ್‌ಬಾಪ್ ಫಾ| ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್, ಗುರ್ಕಾರ್ ಪ್ರತಿನಿಧಿ ಸವೆಂ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೇಸ್ತ್ ರೋಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ, ಸುಪೀರಿಯರ್ ಸಿ| ಲಿಲ್ಲಿ ಪಿಂಟೊ, ಲ್ಹಾನ್ ಕ್ರೀಸ್ತಾಂವ್ ಸಮುದಾಯೆಚೊ ಸಂಚಾಲಕ್ ಮಾನೇಸ್ತ್ ಜೇಮ್ಸ್ ಟೆಲ್ಲಿಸ್ ಹಾಜರ್ ಅಸೊನ್ ಜಿಕ್ಲ್ಯಾಂಕ್ ಇನಾಮಾ ವಾಂಟ್ಲಿಂ. ಸರ್ವಾಂ ಸಾಂಗಾತಾ ಮೆಳೊನ್ ವಾಡ್ಯಾಗಾರಾಂನಿ ತಯಾರ್ ಕೆಲ್ಲೆ ಜೆವಣ್ ಜೇವ್ನ್ ಫೆಸ್ತಾಚೊ ಸಂಭ್ರಮ್ ಚಲವ್ನ್ ಫೆಸ್ತ್ ಆಚರಣ್ ಕೆಲೆಂ.