ಡಿಸೆಂಬರ್ 31, 2024

2024 ವರ್ಸಾಚೊ ಅಕ್ರೇಚೊ ದೀಸ್ ಡಿಸೆಂಬರ್ ಮಹಿನ್ಯಾಚಾ 31 ತಾರಿಕೆರ್ ಮಂಗ್ಳರಾ ಸಾಂಜೆರ್ 6.00 ವರಾರ್ ದೆವಾನ್ ಪಾಟ್ಲ್ಯಾ ವರ್ಸಾಂತ್ ಕೆಲ್ಲ್ಯಾ ಸರ್ವ್ ಉಪ್ಕಾರಾಂಕ್ ಅರ್ಗಾಂ ದೀವ್ನ್ ಸಾಕ್ರಾಮೆಂತಾಚೆಂ ಆರಾಧನ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಸ್ ರೊಡ್ರಿಗಸ್ ಬಾಪಾಂನಿ ಚಲವ್ನ್ ವ್ಹೆಲೆಂ. 7.00 ವರಾರ್ ನವ್ಯಾ ವರ್ಸಾಚೆ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್‍ಗಾರಾಂನಿ ಅಪುರ್ಬಾಯೆಚಿ ದೇವ್‍ಸ್ತುತಿ ಚಲವ್ನ್ ವ್ಹೆಲಿಂ. ಬಾಳಕ್ ಜೆಜು ವಾಡ್ಯಾಗಾರಾಂನಿ ಗಾಯನ್ ಕರ್ನ್ ದೇವ್‍ಸ್ತುತಿ ಚಲವ್ನ್ ವ್ಹರುಂಕ್ ಕುಮೊಕ್ ಕೆಲಿಂ. ಮಿಸಾ ಉಪ್ರಾಂತ್ ಸರ್ವ್ ಫಿರ್ಗಜ್‍ಗಾರಾಂಕ್ ಕೇಕ್ ಆನಿ ಮಾಲ್ಟ್ ದಿಲೆಂ.

ಆಮ್ಚ್ಯಾ ಅಲ್ತಾರ್ ಭುರ್ಗ್ಯಾಂನಿ ನವ್ಯಾ ವರ್ಸಾಚೆ ಉಲ್ಲಾಸ್ ಪಾಟವ್ನ್ ನಾಚ್ ಸಾದರ್ ಕೆಲೊ. ತಾಂಚೆ ಲಕ್ಕಿಡಿಪ್ ಡ್ರಾ ಚಲವ್ನ್ ವ್ಹರ್ನ್ ವಿಜೇತಾಂಕ್ ಬಹುಮಾನ್ ವಿತರಣ್ ಕೆಲೆಂ. ಐ.ಸಿ.ವೈ.ಯಂ ಚ್ಯಾ ಸಾಂದ್ಯಾಂನಿ ವಾಡ್ಯಾವಾರ್ ಲಕ್ಕಿ ಫ್ಯಾಮಿಲಿ ಕಾರ್ಯೆಂ ಚಲವ್ನ್ ತಾಂತುನ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಐ.ಸಿ.ವೈ.ಯಂ ಚ್ಯಾ ಮುಖೆಲ್ಪಣಾಖಾಲ್ ನತಲಾಂ ಫೆಸ್ತಾ ಸಂದರ್ಭಿ ಫಿರ್ಗಜ್‍ಗಾರಾಂಕ್ ಮಾಂಡುನ್ ಹಾಡ್ಲ್ಯಾ ಸ್ಪರ್ಧ್ಯಾಂಚಿ  ಇನಾಮಾಂ ತಶೆಂಚ್ ತಾಂಚೆ ಲಕ್ಕಿಡಿಪ್ ಡ್ರಾ ಕರ್ನ್ ಜಿಕ್ಲೆಲ್ಯಾಂಕ್ ಇನಾಮಾಂ ದಿಲೆಂ. 

ಕಥೊಲಿಕ್ ಸಭಾ ತರ್ಫೆನ್ ಚಲವ್ನ್ ವ್ಹೆಲ್ಲ್ಯಾ ಭಾಷಣ್ ಸ್ಪರ್ಧ್ಯಾಂತ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಚೆಂ ಕಾರ್ಯೆಂ ಚಲವ್ನ್ ವ್ಹೆಲೆಂ. ಹ್ಯಾ ಕಾರ್ಯಂತ್ ಆಮ್ಚೆಂ ವಿಗಾರ್ ಬಾಪ್ ಸ್ಟ್ಯಾನಿಸ್ಲಸ್ ರೊಡ್ರಿಗಸ್, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ರೋಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ ಆನಿ ಐ.ಸಿ.ವೈ.ಯಂ ಸಚೇತಕಿ ಶೈಲಾ ಡಿಸೋಜ ಹಾಣಿಂ ಕಾರ್ಯಂತ್ ಸಾಂಗಾತ್ ದಿಲೊ. ಹೆಂ ಕಾರ್ಯಾಕ್ ಅಲ್ತಾರ್ ಭುರ್ಗ್ಯಾಂ ಪಯ್ಕಿ ಸ್ವೀಡಲ್ ಪ್ರೀಯಾ ಡಿಸೋಜನ್ ಸ್ವಾಗತ್ ಕೆಲೊ ಆನಿ ತಾಂಚೆ ಕಾರ್ಯದರ್ಶಿ ವಿಯೋಲಾ ಮೊಂತೇರೊನ್ ಕಾರ್ಯೆಂ ಚಲವ್ನ್ ವ್ಹೆಲೆಂ.