ಡಿಸೆಂಬರ್ 31, 2025

ಬುದ್ವರಾ ಡಿಸೆಂಬರ್ 31 ತಾರಿಕೆರ್ ಸಾಂಜೆರ್  6.00 ವರಾರ್ ಸಾಕ್ರಾಮೆತಾಚೆಂ ಆರಾಧನ್ ಕೊವೆಂತಾಚಾ ಸಿಸ್ಟ್ರಾಂನಿಂ ಚಲವ್ನ್ ವೆಲೆಂ. 7.00 ವರಾರ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾಂನಿ ಭೆಟಯ್ಲೆಂ. ಫಿರ್ಗಜ್ ಕುಟ್ಮಾಚಾ ಸಾಂದ್ಯಾಂನಿ ದೇವ್ ಸ್ತುತಿ ಚಲವ್ನ್ ವೆಲಿ. ಕ್ರೀಸ್ತ್ರಾಯ್ ವಾಡ್ಯಾಗಾರಾಂನಿಂ ಗಾಯನ್ ಕರ್ನ್ ದೇವ್ ಸ್ತುತೆಕ್ ಕುಮೊಕ್ ಕೆಲಿ. ಮಿಸಾ ವೆಳಾರ್ ನವ್ಯಾ ಗೊವ್ಳಿಕ್ ಪರಿಷದ್ ಸಾಂದ್ಯಾಂನಿಂ ಭಾಸಾವ್ಣಿ ಕೆಲಿ. ನವ್ಯಾನ್ ಅಸ್ಥಿತ್ವಾಕ್ ಅಯ್ಲ್ಯಾ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಪ್ರಕಾಶ್ ಮೊಂತೇರೊ, ಕಾರ್ಯದರ್ಶಿ ಪ್ರೆಸಿಲ್ಲಾ ಡಿಸೋಜ, ಆಯೋಗ್ ಸಂಯೋಜಕಿ  ಫಿಲೋಮಿನಾ ಡಿನೋಜ ಆನಿ ಸರ್ವ್ ಸಾಂದ್ಯಾಂಕ್ ಸ್ವಾಗತ್ ಕೆಲೊ ತಶೆಂಚ್ ಪ್ರಸ್ತುತ್ ಆಸ್ಲ್ಯಾ ಗೊವ್ಳಿಕ್ ಪರಿಷದ್ ಸಾಂದೆಂ ಉಪಾಧ್ಯಕ್ಷ್ ರೋಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ, ಅಯೋಗ್ ಸಂಯೋಜಕ್ ವಿಕ್ಟರ್ ಕುಟಿನ್ಹಾ  ಆನಿ ಸರ್ವ್ ಸಾಂದ್ಯಾಂಚೊ ವಿಗಾರ್ ಬಾಪಾನಿಂ ಉಪ್ಕಾರ್ ಭಾವುಡ್ಲೊ. 

ಮಿಸಾ ಉಪ್ರಾಂತ್  ಸರ್ವ್ ಫಿರ್ಗಜ್ಗಾರಾಂಕ್ ಕಾಫಿ ಆನಿ ಕೇಕ್ ವಾಂಟ್ಲೆಂ. ಸರ್ವ್ ಫಿರ್ಗಜ್ಗಾರಾಂನಿ ಎಕಾಮೆಕಾ ನವ್ಯಾ ವರ್ಸಾಚೆ ಉಲ್ಲಾಸ್ ಪಾಟಯ್ಲೆಂ.ಉಪ್ರಾಂತ್ ಮಟ್ವೆಂ ಕಾರ್ಯಕ್ರಮ್ ಚಲವ್ನ್ ವೆಲೆಂ.

ಅಲ್ತಾರ್ ಭುರ್ಗ್ಯಾಂನಿ ಆನಿ YCS ಭುರ್ಗ್ಯಾಂನಿ ಸಾಂಗಾತಾ ಮೆಳೊನ್ ನವ್ಯಾ ವರ್ಸಾಚೆಂ ಉಲ್ಲಾಸ್ ಗೀತ್ ಕ್ಯಾರಲ್ಸ್ ಗಿತಾಂ ಗಾಯ್ಲಿಂ.  ಅಲ್ತಾರ್ ಭುರ್ಗ್ಯಾಂನಿ ಬೈಬಲ್ ಆಧಾರಿತ್ ಹೌಸಿ ಹೌಸಿ ಖೆಳ್ ಚಲವ್ನ್ ವೆಲೆಂ. ವಿಗಾರ್ ಬಾಪಾಂನಿಂ ಹ್ಯಾ ಖೆಳಾ ಸಾಂಗಾತಾ ಬೈಬಲ್ ನಾಂವಾಂ ಸಂಬಂಧಿತ್ ಮಾಹೆತ್ ದಿಲಿ. ದೆಕುನ್ ಸರ್ವ್ ಫಿರ್ಗಜ್ ಕುಟ್ಮಾಚಾ ಸಾಂದ್ಯಾಂಕ್ ಜಾಣ್ವಾಯ್ ಅಪ್ಣಾಂವ್ಕ್ ಸಾಧ್ಯ್ ಜಾಲಿ.ಉಪ್ರಾಂತ್ ಜಿಕ್ ಲ್ಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಹೆಂ ಮಟ್ವೆಂ ಕಾರ್ಯೆಂ ವಿಯೊಲ್ಲಾ ಮೊತೇರೊನ್ ಚಲವ್ನ್ ವೆಲೆಂ. ಡ್ಯಾಫ್ನಿ ಡಿಸೋಜನ್ ಸ್ವಾಗತ್ ಕೆಲೊ ಆನಿ ಲವ್ಲಿ ಮೊಂತೇರೊನ್ ಧನ್ಯವಾದ್ ಪಾಟಯ್ಲೆಂ. ಬ್ರೇಸ್ತಾರಾ  01 ತಾರಿಕೆರ್ ಸಕಾಳಿಂ 7.30 ವರಾರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.