ಸಪ್ತೆಂಬರ್ 29, 2024

ಕ್ರೀಸ್ತ್ ರಾಯಾಕ್ ಸಮರ್ಪಿಲ್ಲ್ಯಾ ಮನೆಲಾ ಫಿರ್ಗಜೆಂತ್ ಸಪ್ತೆಂಬರ್ 29, 2024 ತಾರಿಕೆರ್ ಆಯ್ತಾರಾ ಸಕಾಳಿಂಚಾ ಮಿಸಾ ವೆಳಾರ್ ಕ್ರೀಸ್ತ್ ರಾಯ್ ವಾಡ್ಯಾಚೊ ಗುರ್ಕಾರ್ ಕ್ಸೇವಿಯರ್ ಫೆರಾವೊನ್ ಎದೊಳ್‍ಚ್ ಗುರ್ಕಾರ್ ಜಾವ್ನ್ ಎಕಾ ವರ್ಸಾಚಿಂ ಅವ್ದಿ ಸಂಪವ್ನ್, ಮುಖ್ಲ್ಯಾ ಚಾರ್ ವರ್ಸಾಕ್ ಪೂರ್ಣಾವಧಿಕ್ ಗೊವ್ಳಿ ಬಾಪಾನಿಂ ದಿಲ್ಲ್ಯಾ ಪರ್ವಣ್ಗೆ ಫರ್ಮಾಣೆಂ ಗುರ್ಕಾರ್ ಜಾವ್ನ್ ಭಾಸಾವ್ಣಿಂ ಕೆಲಿಂ. ತಶೆಂಚ್ ಬಾಳಕ್ ಜೆಜು ವಾಡ್ಯಾಂತ್ ನವ್ಯಾನ್ ಚುನಾಯಿತ್ ಜಾಲ್ಲೊ ಗುರ್ಕಾರ್ ಪೀಟರ್ ಡಿ ಸೋಜನ್ ಗೊವ್ಳಿ ಬಾಪಾಚಾ ಆದೇಶಾಖಾಲ್  ಗುರ್ಕಾರ್ ಜಾವ್ನ್ ಪ್ರಮಾಣ್ ವಚನ್ ಸ್ವೀಕಾರ್ ಕೆಲೆಂ. ಗುರ್ಕಾರಾಂಕ್ ಅಧಿಕೃತ್ ಥರಾನ್ ತಾಂಚ್ಯಾ ಮಿಸಾಂವಾಕ್ ನೇಮಕ್ ಕರ್ಚಿಂ ರೀತ್ ಫಿರ್ಗಜೆಚೊ ವಿಗಾರ್ ಬಾಪ್ ಸ್ಟ್ಯಾನಿಸ್ಲಸ್ ರೊಡ್ರಿಗಸಾಂನಿ ಚಲವ್ನ್ ವ್ಹೆಲಿಂ.