ಮಾರ್ಚ್ 22, 2025

ಕ್ರೀಸ್ತ್ ರಾಯ್ ಫಿರ್ಗಜ್ ಮನೆಲ, ಸಾಮಾಜಿಕ್ ಸಂಪರ್ಕ್ ಆಯೋಗ್ ಆನಿ ಪವಿತ್ರ್ ಪುಸ್ತಕಾಚ್ಯಾ ಆಯೋಗಾಚಾ ಮುಕೆಲ್ಪಣಾಖಾಲ್ ಪ್ರಾಜಿತ್ ಕಾಳಾಚಿ 2 ದೀಸಾಂಚಿ ರೆತಿರ್ ಫಿರ್ಗಜೆಂತ್ ಮಾರ್ಚ್ ಮಹಿನ್ಯಾಚಾ 22 ಆನಿ 23 ತಾರಿಕೆರ್ ಚಲ್‍ಲ್ಲಿ. ಮಾರ್ಚ್ ಮಹಿನ್ಯಾಚಾ 22 ವೆರ್ ಸನ್ವಾರಾ 4.00 ಥಾವ್ನ್ 8.00 ವೊರಾ ಮ್ಹಣಾಸರ್ ಆನಿ ಅಯ್ತಾರಾ ಸಕಾಳಿ 9.00 ವೊರಾ ಥಾವ್ನ್ ಸಾಂಜೆರ್ 3.30 ಮ್ಹಣಾಸರ್ ಚಲ್‍ಲ್ಲಿ.

ಹಿಂ ರೆತಿರ್ ಚಲವ್ನ್ ವ್ಹರುಂಕ್ ಮಂಗ್ಳುರ್ ದಿಯೆಸೆಜಿಚಾ ಗ್ಲಾಡ್ಸನ್ ಹೋಮ್‍ಚೆಂ ದಿರೆಕ್ತೊರ್ ಮಾ| ಬಾ| ಆ್ಯಂಟನಿ ಕ್ಲ್ಯಾನಿ ಡಿಸೋಜ ಆನಿ ಸೆಮಿನಾರಿಚೊ ಪ್ರಾಧ್ಯಾಪಕ್ ಮಾ| ಬಾ|  ಫ್ಲಾವಿಯನ್ ರಾಜ್ ಕಿರಣ್ ಲೋಬೊ ಹಾಜರ್ ಅಸೊನ್ ಫಿರ್ಗಜ್ ಲೊಕಾಕ್ ಆಧ್ಯಾತ್ಮಿಕ್ ಫಳ್ ಜೊಡುಂಕ್ ಕುಮೊಕ್ ಕೆಲಿಂ. ಹ್ಯಾ ರೆತಿರೆಕ್ ಫಿರ್ಗಜೆಂತ್ಲೊ ಲಗ್‍ಬಗ್ 250 ಲೋಕ್ ಹಾಜರ್ ಆಸೊನ್ ಆಧ್ಯಾತ್ಮಿಕ್ ಅನುಭವ್ ಜೊಡ್ಲೊ. ಹ್ಯಾ ರೆತಿರೆಚ್ಯಾ ಅಖ್ರೇಕ್ ಫಿರ್ಗಜ್ ವಿಗಾರ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾಂನಿ ರೆತಿರ್ ದಿಲ್ಲ್ಯಾ ಯಾಜಕಾಂಚೊ ತಶೆಂಚ್ ಗಾಯಾನಾಂತ್ ಕುಮೊಕ್ ಕೆಲ್ಲ್ಯಾಂಚೆ ಆನಿ ಫಿರ್ಗಜ್ ಉಪಾಧ್ಯಕ್ಷ್ ರೋಶನ್ ಟೆಲ್ಲಿಸಾಚೊ ಉಪ್ಕಾರ್ ಭಾವೊಡ್ಲೊ. 

ರೆತಿರ್ ದೀಸಾಂನಿ ಜಮ್ಲೆಲ್ಯಾ ಲೊಕಾಕ್ ದೊನ್ಪರಾಚಾ ಜೆವ್ಣಾಚೆಂ ವ್ಯವಾಸ್ಥಾಆನಿ ಸಾಂಜೆರ್ ಚಾ ಆನಿ ಕೇಕ್ ದೀಂವ್ಚಿ ವ್ಯವಸ್ಥಾ ಸಾಮಾಜಿಕ್ ಸಂಪರ್ಕ್ ಆಯೋಗ್ ಆನಿ ಪವಿತ್ರ್ ಪುಸ್ತಕ್ ಆಯೋಗಾಚಾ ಸಾಂದ್ಯಾಂನಿ ಕೆಲ್ಲಿಂ.