ಮೇ 25, 2025

ಮೇ ಚ್ಯಾ 25 ತಾರಿಕೆರ್ ಕ್ರೀಸ್ತ್ ರಾಯಾಕ್ ಸಮರ್ಪಿಲ್ಲ್ಯಾ ಮನೆಲಾ ಫಿರ್ಗಜೆಂತ್ 7:30 ವರಾರ್ ಪ್ರಾಧಾನ್ ಯಾಜಕ್ ಜಾವ್ನ್ ಸಿ.ಒ.ಡಿ.ಪಿ.ಚೊ ನಿರ್ದೇಶಕ್  ಬಾಪ್ ವಿನ್ಸೆಂಟ್ ಡಿಸೋಜಾನ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ ಆನಿ ವಿಗಾರ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾನಿಂ ಸಹಭೆಟವ್ಣಿ ಕೆಲಿ. ಬಾಪ್ ವಿನ್ಸೆಂಟ್ ಡಿ ಸೋಜಾನ್ ಅಪ್ಲ್ಯಾ  ಸಂದೇಶಾಂತ್ ಸಮುದಾಯಚೊ ಆನಿ ಕಾಮೆಲ್ಯಾಂಚ್ಯಾ ದಿಸಾಚೊ ಮಹತ್ವ ವಿಶಿಂ ಅಪ್ಲ್ಯಾ ಸಂದೇಶಾಂತ್ ತಿಳ್ಸಿಲೆ. 

ಮೀಸ್ ಜಾಲ್ಲೆಂಚ್ ಸರ್ವ್ ಫಿರ್ಗಜ್ ಗಾರಾಂ ಜಮಾತೆ ಸಾಲಾಂತ್ ಎಕ್ಟಾಯ್ ಜಾಲಿ. ಥಂಯ್ಸರ್ ಸಮುದಾಯ್ ದಿಸಾಚೆ ಆನಿ ಕಾಮೆಲ್ಯಾಂಚೆಂ ದಿಸಾಚೆ ಕಾರ್ಯಕ್ರಮ್ ಚಲವ್ನ್ ವ್ಹೆಲೆಂ. ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಸಿ.ಒ.ಡಿ.ಪಿ.ಚೊ ನಿರ್ದೇಶಕ್ ಆನಿ ದಿಯೆಸೆಜಿಚಾ ವಾವ್ರಾಡ್ಯಾಚಾ ಆಯೊಗಾಚೊ ಸಂಯೋಜಕ್ ಬಾಪ್ ವಿನ್ಸೆಂಟ್ ಡಿಸೋಜಾ ಹಾಜರ್ ಅಸ್‍ಲ್ಲೆ.

ವೆದಿರ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್, ಬಾಪ್ ವಿನ್ಸೆಂಟ್ ಡಿಸೋಜಾ, ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ರೊಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೊಮಿನಾ ಡಿಸೋಜಾ, ಕೊವೆಂತಾಚಿ ವ್ಹಡಿಲ್ನ್ ಸಿ. ಲಿಲ್ಲಿ ಪಿಂಟೊ, ಎಕ್ವಿಸ್ ಆಯೊಗ್ ವಿಕ್ಟರ್ ಕುಟಿನ್ಹೊ, ಕಥೊಲಿಕ್ ಸಭಾ ಅಧ್ಯಕ್ಷ್ಶ್ ಸಿಪ್ರಿಯಾನ್ ಮೊಂತೆರೊ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕ್ ಜೇಮ್ಸ್ ಟೆಲ್ಲಿಸ್, ಅಂತರ್ ಧರ್ಮಿಯ್, ಆನಿ ಕ್ರಿಸ್ತಾಂವ್ ಎಕ್ವಟ್ ಆಯೊಗ್ ಸಂಚಾಲಕ್ ಕ್ಷೇವಿಯರ್ ಫೆರಾವೊ ವಾವ್ರಾಡ್ಯಾಂಚೊ ಆಯೊಗ್ ಸಂಚಾಲಕ್ ಲಿಯೊ ಡಿಸೋಜ ಹಾಜರ್ ಅಸಲ್ಲೆ.

ಹ್ಯಾ ಕಾರ್ಯಕ್ ಅಂಬ್ರೊಜ್ ಮೊಂತೆರೊನ್ ಸರ್ವಾಂಕ್ ಸ್ವಾಗತ್ ಕೆಲೊ. ವೆದಿರ್ ಅಸ್ಲ್ಯಾ ಮಾನಾಚಾ ಸಯ್ರ್ಯಾಂನಿ ದಿವೊ ಪೆಟೊವ್ನ್ ಕರ್ಯಾಚೆಂ ಉದ್ಘಾಟನ್ ಕೆಲೆ. ಉಪಾಧ್ಯಕ್ಷ್ ರೋಶನ್ ಟೆಲ್ಲಿಸಾನ್ ಸರ್ವ್ ಫಿರ್ಗಜ್ ಗಾರಾಂಕ್ ಉಲ್ಲಾಸ್ ಪಾಟಯ್ಲೆ. ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಅಯ್ಲ್ಯಾ ಬಾಪ್ ವಿನ್ಸೆಂಟ್ ಡಿಸೋಜಾನ್ ಸಮುದಾಯಾಚಾ ದಿಸಾ ಕಾಮೆಲ್ಯಾಂಚೊ ದೀಸ್ ಆಚರಣ್ ಕರ್ಚಾ ಸಂಧರ್ಭಿಂ ಫಿರ್ಗಜ್ ಗಾರಾಂಕ್ ಶಾಬಾಸ್ಕಿ ಉಚಾರ್ಲಿ. ಅನಿ ಕಾಮೆಲ್ಯಾಂಕ್ ಅಸ್ಚ್ಯಾ ಸರ್ವ್ ಸವ್ಲತಾಯೆ ವಿಶಿಂ ಸವಿಸ್ತಾರ್ ಮಾಹೆತ್ ದಿಲಿ. ಉಪ್ರಾಂತ್ ವಾಡ್ಯಾಂತ್ ವಿಂಚುನ್ ಕಾಡ್ಲ್ಯಾ ಕಾಮೆಲ್ಯಾಂಕ್ ಸನ್ಮಾನ್ ಕೆಲೊ.

ಭಾಗೆವಂತ್ ಕುಟ್ಮಾಂ ವಾಡ್ಯಾಂತ್ ಫೆಲಿಕ್ಸ್ ಟೆಲ್ಲಿಸ್ ಬಡಕನಡ್ಕ, ಕ್ರೀಸ್ತ್ ರಾಯ್ ವಾಡ್ಯಾಂತ್ ಹಿಲಾರಿ ಡಿಸೋಜಾ, ಬಾಳಕ್ ಜೆಜು ವಾಡ್ಯಾಂತ್ ಮೌರಿಸ್‍ ಡಿಸೋಜ ತಶೆಂಚ್ ಫಿರ್ಗಜೆಚಾ ಕ್ರಷಿ ವಾವ್ರಾಕ್ ಉದಾರ್ ಮನಾನ್ ಕುಮೊಕ್ ಕರ್ಚಾ ಕ್ರೀಸ್ತ್ ರಾಯ್ ವಾಡ್ಯಾಚ್ಯಾ ಜೆರೊಮ್ ಡಿಸೊಜಕ್ ವೆದಿರ್ ಅಸ್ಲ್ಯಾ ಮಾನಾಚಾ ಸಯ್ರ್ಯಾಂನಿ ಸನ್ಮಾನ್ ಕೆಲೊ. 

        ಅಮ್ಚ್ಯಾ  ಪರಿಸರಾಂತ್ ಉತೀಮ್ ಸೆವಾ ದೀವ್ನ್ ಲೊಕಾ ಮೊಗಾಳ್ ಜಾಲ್ಲ್ಯಾ  ಪೋಲಿಸ್ ಅಧಿಕಾರಿ ಅದ್ರಾಮ ಯನ್ ಹಾಕಾ ಸನ್ಮಾನ್ ಕೆಲೊ. ಉಪ್ರಾಂತ್ ತಾಣೆಂ ಉಲವ್ನ್ ತಾಚೊ ಅನ್ಬೊಗ್ ವಾಂಟುನ್ ಘೆವ್ನ್ ಪೋಲಿಸ್ ಹುದ್ದ್ಯಾಕ್ ಯುವಜಣಾಂನಿ ಮುಖಾರ್ ಯೆಂವ್ಚ್ಯಾಕ್ ಉಲೊ ದಿಲೊ.

     ವಿಗಾರ್ ಬಾಪಾಂನಿ ಉಲವ್ನ್ ಸರ್ವ್ ಬರೆಂ ಮಾಗ್ಲೆಂ. ಹೆ ಕಾರ್ಯೆಂ ಕಾರ್ಯನಿರ್ವಾಹಕ್ ಜಾವ್ನ್ ಸಿರಿಲ್ ಫೆರಾವೊನ್ ಚಲವ್ನ್ ವೆಲೆ ಅನಿ ಲಿಯೊ ಡಿಸೋಜನ್ ಧನ್ಯವಾದ್ ಪಾಟವ್ನ್ 11.00 ವರಾರ್ ಕಾರ್ಯೆಂ ಅಖೆರ್ ಕೆಲೆಂ. ಸರ್ವ್ ಫಿರ್ಗಜ್ ಗಾರಾಂಕ್ ಕಾಫಿ ಫಳಾರ್ ವಾಂಟ್ಲೊ.