ಜುಲೈ 05, 2026

ಮುಳಾವಿ ಕ್ರಿಸ್ತಾಂವ್ ಸಮುದಾಯಚೊ ಸ್ಪಿರಿತ್ ಭುರ್ಗ್ಯಾಂ ಥಂಯ್ ರುತಾ ಕರ್ಚ್ಯಾ ಖಾತಿರ್ ಸಾತ್ ಮೆಟಾಚೆಂ ವಿಧಾನ್ ಕಶೆಂ ಚಲವ್ನ್ ವ್ಹರ್ಚೆಂ ಹ್ಯಾ ವಿಶಿ ವಿಗಾರ್ ಮಾನಾಧಿಕ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್ ಬಾಪಾನಿಂ ಭುರ್ಗ್ಯಾಂಕ್ ಸಮ್ಜಸಾರ್ಕೆಂ ತರ್ಭೆತಿ ದಿಲಿ. ವಾಂಜೆಲಾಂತ್ಲೆ ದೆವಾಚೆಂ ಉತರ್ ವಿಂಚುನ್ ಕಾಡುಂಕ್ ಉತ್ತೆಜನ್ ದಿಲೆಂ. ಜಿವಿತಾಚೆಂ ಉತರ್ ವಿಂಚುನ್ ವ್ಹಡ್ಲ್ಯಾನ್ ತೀನ್ ಪಾವ್ಟಿಂ ಉಚರ್ಚೆಂ,ಘರಾ ಸಕ್ಟಾಂಕ್ ದಿಸ್ತಾ ತಶೆಂ ದವರ್ಚೆಂ, ಲ್ಹಾನ್ ಲ್ಹಾನ್ ಉತ್ರಾಂನಿ ಸ್ವಂತ್ ಪ್ರಾರ್ಥನಾ ಕರ್ಚೆಂ,ಅರ್ಗಾಂ ದಿಂವ್ಚೆಂ ಹ್ಯಾ ವಿಶಿ ಸವಿಸ್ತಾರ್ ಜಾವ್ನು ವಿವರ್ಸಿಲೆಂ.  ಪ್ರೀತಿ ಡಿ ಸೋಜಾನ್ ಸಮುದಾಯಚಿಂ ಗಿತಾಂ ಶಿಕಯ್ಲಿಂ. ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀ ಪ್ರಕಾಶ್ ಮೊಂತೇರೊ, ಕಾರ್ಯದರ್ಶಿ ಶ್ರೀಮತಿ ಪ್ರೆಸಿಲ್ಲಾ ಡಿ ಸೋಜಾ,ಮುಳಾವಿ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕಿ ಶ್ರೀಮತಿ ಮೇರಿ ಡಿಸೋಜ,ಆಯೋಗ್ ಸಂಯೋಜಕಿ ಶ್ರೀಮತಿ ಫಿಲೋಮಿನಾ ಡಿ ಸೋಜಾ, ಫಿಲೋಮಿನಾ ಮೊಂತೇರೊ, ಶ್ರೀಮತಿ ಪ್ರೀಯಾ ಡಿಸೋಜ ಉಪಸ್ಥಿತ್ ಅಸ್ಲಿಂ. ಶ್ರೀ ಪ್ರಶಾಂತ್ ಪ್ರಿಯಾ ಡಿ ಸೋಜಾ ಹಾಣಿಂ ತಾಂಚಾ ಭುರ್ಗ್ಯಚಾ ಪವಿತ್ರ್ ಸ್ನಾನ ಸಂಧರ್ಭಿ ಹಾಜರ್ ಅಸ್ಲ್ಯಾ ಭುರ್ಗ್ಯಾಂಕ್ ಕಾಫಿಪಳ್ಹಾರಾಚಿ ವೆವಸ್ತ ಕೆಲ್ಲಿ.