ನವೆಂಬರ್ 17, 2024

ಹ್ಯಾಚ್ ನವೆಂಬರಾಚಾ 17 ತಾರಿಕೆರ್ ದನ್ಪರಾ 3.30 ವರಾರ್ ಕಥೊಲಿಕ್ ಸಭಾಚಾ ಮುಖೆಲ್ಪಣಾಖಾಲ್ ಕ್ರೀಸ್ತೀ ಶಿಕ್ಷಣ್ ಆಯೋಗ್ ಆನಿ ಶಿಕ್ಪಾ ಆಯೋಗ್ ಸಾಂಗಾತಾ ಮೆಳೊನ್ ಭಾಷಣ್ ಸ್ಪರ್ಧೊ ಮಾಂಡುನ್ ಹಾಡ್ಲೊ. ಮಾಗ್ಣ್ಯಾಂ ದ್ವಾರಿಂ ಹೆಂ ಕಾರ್ಯೆಂ ಆರಂಭ್ ಕೆಲೆಂ.  ಆತ್ಮಿಕ್ ನಿರ್ದೇಶಕ್ ಬಾಪ್ ಸ್ಟ್ಯಾನಿಸ್ಲಸ್ ರೊಡ್ರಿಗಸ್, ಕಥೊಲಿಕ್ ಸಭಾ ಅಧ್ಯಕ್ಷ್ ಕ್ಸೇವಿಯರ್ ಡಿಸೋಜ, ಕಾರ್ಯದರ್ಶಿ ಸಿಪ್ರಿಯನ್ ಮೊಂತೇರೊ, ವಾರಾಡೊ ಭಾಷಣ್ ಸ್ಪರ್ಧೊ ಸಂಚಾಲಕ್ ಸಿರಿಲ್ ಫೆರಾವೊ, ಆಯೋಗ್ ಸಂಯೋಜಕ್ ವಿಕ್ಟರ್ ಕುಟಿನ್ಹಾ, ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ, ಕ್ರೀಸ್ತೀ ಶಿಕ್ಷಣ್ ಕಾರ್ಯದರ್ಶಿ ರೆನಿಟಾ ಡಿಸೋಜ, ಶಿಕ್ಪಾ ಆಯೋಗ್ ಕಾರ್ಯದರ್ಶಿ ರೊಸ್ಲಿನ್ ಲಸ್ರಾದೊ ಆನಿ ವಿಟ್ಲ ಥಾವ್ನ್ ಆಯ್ಲಿ ವರಾಯ್ಣಾರ್  ಶರಲ್ ವೆದಿರ್ ಹಾಜರ್ ಆಸ್ಲಿಂ. ಹ್ಯಾ ಕಾರ್ಯಂತ್ 26 ಭುರ್ಗಿಂ ಆನಿ  ಭುರ್ಗ್ಯಾಂಚಿ  ವ್ಹಡಿಲಾಂ ತಶೆಂಚ್ ಕಥೊಲಿಕ್ ಸಭಾಚೆ ಸಾಂದೆ ಹಾಜರ್ ಆಸ್ಲಿಂ.

ಜಮ್ಲೆಲ್ಯಾ ಸಮೆಸ್ತಾಂಕ್ ಕಥೊಲಿಕ್ ಸಭಾ ಅಧ್ಯಕ್ಷ್ ಕ್ಸೇವಿಯರ್ ಡಿಸೋಜನ್ ಪ್ರಸ್ತಾವಿಕ್ ಉತ್ರಾಂ ಉಲವ್ನ್ ಸ್ವಾಗತ್ ಕೆಲೊ. ಉಪ್ರಾಂತ್ ವಿಗಾರ್ ಬಾಪಾನಿಂ ಆಪ್ಲ್ಯಾ ಸಂದೇಶಾಂತ್ ಭುರ್ಗ್ಯಾಂಕ್  ಭಾಷಣ್ ಕರುಂಕ್ ಉತ್ತೇಜನ್ ದಿಲೆಂ. ವೆದಿ ಕಾರ್ಯೆಂ ಸಿರಿಲ್ ಫೆರಾವೊನ್ ಚಲವ್ನ್ ವ್ಹೆಲೆಂ. ಭುರ್ಗ್ಯಾಂಕ್  ಭಾಷಣ್ ಸ್ಪರ್ಧೊ ಕ್ಲಾಸಿ ಪ್ರಕಾರ್ ಚಲವ್ನ್ ವ್ಹೆಲೊ. 26  ಭುರ್ಗ್ಯಾಂನಿ ವಾಂಟೊ ಘೆತ್ಲೊ. ಭುರ್ಗ್ಯಾಂಕ್  ಮುಖಾರ್ ಯೇವ್ನ್ ಉಲೊಂವ್ಕ್ ಧರ್ಯ್ ಲಾಭ್ಲೆಂ. ವಿಟ್ಲ ಫಿರ್ಗಜೆ ಥಾವ್ನ್ ದೊಗಾಂ ವರಾಯ್ಣಾರಾ ಹಾಜರ್ ಆಸ್ಲಿಂ. ಆಯೋಗ್ ಕಾರ್ಯದರ್ಶಿನಿಂ ತಾಂಕಾ ಸಾಂಗಾತ್ ದಿಲೊ. ಭುರ್ಗ್ಯಾಂಕ್ ಅಕ್ರೇಕ್ ಫಲಿತಾಂಶ್ ತಿಳ್ಸಿಲೆಂ. ವಿಜೇತ್ ಜಾಲ್ಲ್ಯಾ ಭುರ್ಗ್ಯಾಂಕ್  ತಶೆಂಚ್ ಭಾಗ್ ಘೆತ್ಲ್ಯಾ ಭುರ್ಗ್ಯಾಂಕ್  ಉಲ್ಲಾಸ್ ಪಾಟಯ್ಲೆಂ ಆನಿ ಸರ್ವಾಂಕ್ ಮಾಲ್ಟ್ ಆನಿ ಫಳಾಹಾರ್ ವಿತರಣ್ ಕೆಲೊ. ಉಪ್ರಾಂತ್ ಸಿರಿಲ್ ಫೆರಾವೊನ್ ಧನ್ಯವಾದ್ ಪಾಟವ್ನ್ ಕಾರ್ಯೆಂ ಅಕೇರ್ ಕೆಲೆಂ.