ಅಕ್ತೋಬರ್  05, 2025

ತಾರೀಕ್ 05-10-2025 ವ್ಯಾ ಆಯ್ತಾರಾ ICYM ಮನೆಲ ಘಟಕಾಚ್ಯಾ ಸಹಕಾರಾನ್ "ಖೆಳಾ ಫೆಸ್ತ್ 2025" ಕಾರ್ಯೆಂ ಮಾಂಡುನ್ ಹಾಡ್ಲೆ. ಹ್ಯಾ ಕಾರ್ಯಾಕ್ ಫಿರ್ಗಜ್ ವಿಗಾರ್ ಬಾಪ್ ಫಾ| ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್, ಫಿಗರ್ಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಾಕ್ಷ್ ಮಾನೆಸ್ತ್ ರೋಶನ್ ಟೆಲ್ಲಿಸ್, ಫಿಗರ್ಜ್ ಗೊವ್ಳಿಕ್ ಪರಿಷದೆಚಿ ಕಾರ್ಯದರ್ಶಿ ಶ್ರೀಮತಿ ಫಿಲೋಮಿನಾ ಡಿಸೋಜ, ಫಿರ್ಗಜ್ ಯುವ ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಜೇಮ್ಸ್ ಟೆಲ್ಲಿಸ್, ಕೊವೆಂತಾಚಿ ಸಿಸ್ಟರ್ ಸಿ| ನ್ಯಾಸ್ಸಿ, ICYM ಸಚೇತಕಿ ಶ್ರೀಮತಿ ಶೈಲಾ ಡಿಸೋಜ, ICYM ಅಧ್ಯಕ್ಷ್ ಪ್ರೀತೇಶ್ ಕುಟಿನ್ಹಾ ವೆದಿರ್ ಹಾಜರ್ ಆಸ್ಲೆಂ. ಪ್ರೀತೇಶ್ ಕುಟಿನ್ಹಾನ್ ಜಮ್ಲೆಲ್ಯಾ ಸಮೇಸ್ತಾಂಕ್ ಸ್ವಾಗತ್ ಕೆಲೆಂ . ಉಪ್ರಾಂತ್ ಬೋಲ್ ರಿಬ್ಬನ್ ಕಟ್ ಕರ್ಚೆ ಮುಖಾಂತ್ರ್ ಖೆಳಾ ಫೆಸ್ತಾಚೆಂ ಉದ್ಘಾಟನ್ ಕೆಲೆಂ. ಉಪ್ರಾಂತ್ ಸರ್ವ್ ಫಿರ್ಗಜ್ಗಾರಾಂಕ್ ವಾಡ್ಯಾವಾರ್ ತ್ರೋಬಾಲ್, ವಾಲಿಬಾಲ್, ಕ್ರಿಕೆಟ್, ಡೋಜ್ ಬಾಲ್, ರಿಲೆ ಚಲವ್ನ್ ವ್ಹೆಲೆಂ. ಉಪ್ರಾಂತ್ ಸಮಾರೋಪ್ ಕಾರ್ಯೆಂ ಚಲೊವ್ನ್ ವರ್ನ್ ಖೆಳಾಂತ್ ಜಿಕ್ಲೆಲ್ಯಾಂಕ್ ಬಹುಮಾನ್ ವಿತರಣ್ ಕೆಲೆಂ . ಶ್ರೀಮತಿ ಶೈಲಾ ಡಿಸೋಜನ್ ಹೆ ಕಾರ್ಯೆಂ ಚಲೊವ್ನ್ ವ್ಹೆಲೆಂ. ಸರಿತಾ ಮೊಂತೇರೊ ಆನಿ ಶ್ವೇತಾ ಡಿಸೋಜನ್ ಸರ್ವಾಚೊ ಉಪ್ಕಾರ್ ಭಾವುಡ್ಲೊ. ಜೆಶ್ವಿಟಾ ಮೊಂತೇರೊ ಆನಿ ಶ್ವೇತಾ ಮೊಂತೇರೊನ್ ಕಾರ್ಯನಿರ್ವಾಹಕ್ ಜಾವ್ನ್ ಸಹಕಾರ್ ದಿಲೊ. ಹ್ಯಾ ಖೆಳಾ ಫೆಸ್ತಾಂತ್ ಬಾಳೊಕ್ ಜೆಜು ವಾಡ್ಯಾಗಾರಾನಿಂ ಚಾಂಪಿಯನ್ ಶಿಪ್ ಅಪ್ಣಾಯ್ಲೆಂ. ಸರ್ವ್ ಫಿರ್ಗಜ್ ಗಾರಾನಿಂ ಸಾಂಗಾತಾ ಮೆಳೊನ್ ಖೆಳ್ಚೆಂ ಮುಖಾಂತ್ರ್ ಕಾರ್ಯಕ್ರಮಾಚ್ಯಾ ಯಶಸ್ವಿಕ್ ಕಾರಣ್ ಜಾಂವ್ಕ್ ಪಾವ್ಲೆಂ.