ಮಾರ್ಚ್ 2, 2025

 ಸ್ತ್ರೀ ಆಯೋಗ್ ಆನಿ ಸ್ತ್ರೀ ಸಂಘಟನ್ ಸಾಂಗಾತಾ ಮೆಳೊನ್ ಜಾಗತಿಕ್ ಸ್ತ್ರೀಯಾಂಚೊ ದಿವಸ್ ಮಾರ್ಚ್ 2  ತಾರಿಕೆರ್  ಆಯ್ತಾರಾ ಸಕಾಳಿಂಚ್ಯಾ ಮಿಸಾ ಉಪ್ರಾಂತ್ ಆಚರಣ್ ಕೆಲೆಂ. ಸುಮಾರ್ 80 ಜಣ್ ಹಾಜರ್ ಆಸ್ಲೆಂ.  ಹ್ಯಾ ಕಾರ್ಯಾಂತ್ ಫಿರ್ಗಜ್ ವಿಗಾರ್ ಬಾಪ್ ಸ್ಟ್ಯಾನಿಸ್ಲಾಸ್ ರೊಡ್ರಿಗಸ್, ಉಪಾಧ್ಯಕ್ಷ್  ರೋಶನ್ ಟೆಲ್ಲಿಸ್, ಕಾರ್ಯದರ್ಶಿ ಫಿಲೋಮಿನಾ ಡಿಸೋಜ, ಸ್ತ್ರೀ ಸಂಘಟನಾಚಿ ಅಧ್ಯಕ್ಷಿಣ್ ಮೇರಿ ಡಿಸೋಜ, 21 ಆಯೋಗಾಚೊ ಸಂಚಾಲಕ್ ವಿಕ್ಟರ್ ಕುಟಿನ್ಹಾ, ಸ್ತ್ರೀ ಸಂಘಟನಾಚಿ ಸಚೇತಾಕಿ ಸಿ| ಸರಿತಾ ಡಿಸೋಜಾ ಕೊವೆಂತಾಚಿ ಸುಪಿರಿಯಾರ್  ಸಿ| ಲಿಲ್ಲಿ ಪಿಂಟೊ ತಶೆಂಚ್ ಹ್ಯಾ ಕಾರ್ಯಕ್ ಮುಖೆಲ್ ಸಯ್ರೆಂ ಜಾವ್ನ್ ಫ್ಲಾವಿಯಾ ಅಲ್ಬುಕರ್ಕ್ ಉಪಸ್ಥಿತ್ ಆಸೊನ್ ಹೆಂ ಕಾರ್ಯೆಂ ಭೋವ್ ವರ್ತ್ಯಾ ರಿತಿನ್ ಸೊಂಪ್ಲೆ.

ಕಾರ್ಯಾಚೆ ನಿರ್ವಹಕಿ ಶೈಲಾ ಡಿಸೋಜ, ಸ್ವಾಗತ್ ಲೀಮಾ ಟೆಲ್ಲಿಸ್, ಖೆಳ್ ಖೆಳಾಂವ್ಕ್ ಪ್ರೀತಿ ಡಿಸೋಜಾ , ವೆದಿಚೆರ್ ಆಸ್ಲ್ಯಾಂಕ್ ಸ್ವಾಗತ್ ರೊಸ್ಲಿನ್ ಲಾಸ್ರದೋ ಆನಿ ಧನ್ಯವಾದ್ ಜ್ಯೋತಿ ಡಿಸೋಜಾನ್ ಕೆಲೆಂ. ಕಾರ್ಯಾಂಚೆ ಪಯ್ಲೆಂ ಭಾಗ್ ಜಾವ್ನ್ ಸರ್ವ್ ಸ್ತ್ರೀಯಾಂಕ್ ಸ್ವಾಗತ್ ಕರ್ನ್ ಖೆಳ್ ಚಲವ್ನ್ ವ್ಹೆಲೆಂ. ಉಪ್ರಾಂತ್ ವೆದಿ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಸ್ತ್ರೀಯಾಂನಿ ಪ್ರಾರ್ಥನಾ ಗೀತ್ ಗಾಯ್ಲೆಂ. ವೆದಿಚೆರ್ ಆಸ್ಲೆಲ್ಯಾಂಕ್ ಫುಲ್ ದೀವ್ನ್ ಸ್ವಾಗತ್ ಕೆಲೊ. ಉಪ್ರಾಂತ್ ದಿವೊ ಪೆಟಯ್ಲೊ. ವೆದಿರ್ ಆಸ್ಲ್ಯಾ ಫ್ಲಾವಿಯಾ ಅಲ್ಬುಕರ್ಕ್ ಹಿಣೆಂ ಆಪ್ಲ್ಯಾ ಭಾಷಣಾಂತ್ "ಆಧುನಿಕ್ ಸಂಸಾರಾರ್ ಸ್ತ್ರೀಯಾಂಚೊ ಪಾತ್ರ್" ಮ್ಹಳ್ಳೆಂ ಧ್ಯೇಯ್ ವಾಕ್ಯ್ ಘೆವ್ನ್ ಸ್ತ್ರೀಯಾಂಕ್ ಅರ್ಥಭರಿತ್ ಭಾಷಣ್ ದಿಲೆಂ. ಫಿರ್ಗಜ್ ವಿಗಾರ್ ಬಾಪ್ ಆನಿ ಉಪಾಧ್ಯಕ್ಷ್ ಹಾಣಿಂ ಸ್ತ್ರೀಯಾಂಚಾ ದಿಸಾ ವಿಶಿಂ ಮಹತ್ವಾಚಿ ಉತ್ರಾಂ ಉಚಾರ್ಲಿ. ಉಪ್ರಾಂತ್ ಖೆಳಾಂತ್ ಜಿಕ್ಲೆಲ್ಲ್ಯಾಂಕ್ ಇನಾಮಾ ವಾಂಟ್ಲಿಂ. ಹ್ಯಾ ಕಾರ್ಯಾಕ್ ಸ್ತ್ರೀ ಸಂಘಟನ್ ಆನಿ ಸ್ತ್ರೀ ಆಯೋಗ್ ಸಾಂಗಾತಾ ಮೆಳೊನ್ ಸರ್ವ್ ಫಿರ್ಗಜ್ ಗಾರಾಂಕ್ ಸಕಾಳಿಂಚೆ ಕಾಫಿ ಫಳಾರಾಚಿ  ವ್ಯವಸ್ಥಾ ಕೆಲಿಂ. ಅಕ್ರೇಕ್ ಸೊಮ್ಯಾಕ್ ಧಿನ್ವಾಸುಯಾ ಗೀತಾ ದ್ವಾರಿ ಕಾರ್ಯೆಂ ಅಕೇರ್ ಕೆಲೆಂ.